The news is by your side.

Advertisement

سلمان اقبال کی کاوش، شاہین ائیرلائن نے بھی خدمات پیش کردیں

کراچی: اے آر وائی کے سی ای او سلمان اقبال کے سعودی عرب میں پھنسے پاکستانیوں کو واپس لانے اور اخراجات برداشت کرنے کے اعلان پر شاہین ائیرانٹرنیشنل کے چیئرمین نے رابطہ کر کے اپنے بھرپور تعاون کی پیش کش کردی۔

تفصیلات کے مطابق سعودی عرب میں پھنسے 200 پاکستانی مزدوروں کی واپسی پر حکومتی خاموشی دیکھتے ہوئے اے آر وائی کے سی ای او سلمان اقبال کے اعلان کے بعد چیئرمین شاہین ائیر انٹرنیشنل کے چیئرمین کاشف صہبائی نے بھی پاکستانیوں کی واپسی کے لیے ہر ممکنہ اقدامات کی یقین دہانی کروادی۔


چیئرمین شاہین ائیرلائن نے سی ای او سے رابطہ کر کے سعودی عرب میں پھنسے پاکستانیوں کو واپس لانے کے حوالے سے ہرقسم کے تعاون کی یقین دہانی کرواتے ہوئے کہا کہ ’’سعودی عرب میں پھنسے پاکستانیوں کے ساتھ ہیں اور اُن کی واپسی کے لیے ہرقسم کی خدمات پیش کرتے ہیں‘‘۔ذرائع کے مطابق شاہین ائیر لائن پاکستانیوں کو مفت وطن واپس لانے کے لیے تیار ہے۔

پڑھیں:      سی ای اواے آروائی سلمان اقبال کا سعودی عرب میں پھنسے پاکستانیوں کے لیےاہم اعلان

اس موقع پر سوال یہ بھی پیدا ہوتا ہے کہ ’’کیا پاکستانی حکومت سعودی عرب میں پھنسے پاکستانیوں کو لانے پر بھی ائیرلائن سے ٹیکس لے گی؟ کیا انسانی خدمت کے عوض بھی ٹیکس وصول کیا جائے گا؟۔

Print Friendly, PDF & Email

Comments

comments

یہ بھی پڑھیں