مدینہ منورہ ایئرپورٹ پر پھنسے حاجیوں کو لینے شاہین ایئرلائن کا جہاز پہنچ گیا -
The news is by your side.

Advertisement

مدینہ منورہ ایئرپورٹ پر پھنسے حاجیوں کو لینے شاہین ایئرلائن کا جہاز پہنچ گیا

کراچی : اے آر وائی نیوز کی کاوشیں رنگ لے آئیں، مدینے میں پھنسے حاجیوں کی سن لی گئی، شاہین ایئرلائن کا طیارہ جمعہ کی صبح سے مدینہ ایئرپورٹ پر پھنسے حاجیوں کو لینے پہنچ گیا۔

تفصیلات کے مطابق واجبات کے تنازع پر سول ایوی ایشن نے شاہین ائیرلائن کو حج آپریشن سے روک دیا تھا۔ جس کی وجہ سے تین سو پچیس حاجی مدینہ ایئرپورٹ پر گھنٹوں پروازکا انتظار کرتے رہے۔

اے آر وائی نیوز پر خبر نشر ہونے کے بعد سول ایوی ایشن متعلقہ حکام نے فوری ایکشن لیتے ہوئے شاہین ائیرلائن کے لائسنس میں تیس ستمبرتک توسیع کر دی۔

سول ایوی ایشن اتھارٹی کے ترجمان کا کہنا ہے کہ مدینہ کے حج ٹرمینل پر325 سے زائد پاکستانی حجاج 24گھنٹے سے محصورہیں، شاہین ایئر کوانسانی بنیادوں پر اجازت دے گئی ہے۔

بعد ازاں شاہین ائیرلائن کا طیارہ مدینہ ایئرپورٹ پر پھنسے حاجیوں کو لینے پہنچ گیا، ابتداء میں دوسو حجاج وطن روانہ ہوں گے، مدینہ ایئر پورٹ پر موجود حاجیوں میں خوشی کی لہر دوڑ گئی۔

مزید پڑھیں: سول ایوی ایشن اتھارٹی نے شاہین ایئرکے لائسنس کی توسیع کردی

انہوں نے کہا کہ ہم اے آر وائی کے شکر گزار ہیں جس کی وجہ سے ہماری وطن واپسی ممکن ہو سکی ہے، ہمارا مطالبہ ہے کہ دیگر حاجیوں کی واپسی یقینی بھی بنائی جائے۔

Comments

comments

یہ بھی پڑھیں