قومی ٹیم کے سابق کپتان شاہد آفریدی اور فاسٹ بولر شاہین آفریدی کی اسنوکر کھیلنے کی ویڈیو وائرل ہوگئی۔
قومی ٹیم کے فاسٹ بولر شاہین شاہ آفریدی نے سماجی رابطے کی ویب سائٹ ٹویٹر پر ویڈیو شیئر کی جس میں وہ شاہد آفریدی کے ساتھ اسنوکر کھیلنے میں مصروف ہیں۔
چند سیکنڈز کی ویڈیو شیئر کرتے ہوئے شاہین نے شاہد آفریدی کو مخاطب کرتے ہوئے لکھا کہ ’فیملی فن ٹائم۔‘
Family fun time 🎱@SAfridiOfficial pic.twitter.com/umRGinkCUB
— Shaheen Shah Afridi (@iShaheenAfridi) June 20, 2022
واضح رہے کہ اس سے قبل بھی شاہد آفریدی اور شاہین آْفریدی کی کرکٹ کی ایک ویڈیو وائرل ہوئی تھی جس میں شاہین کے شاہد آفریدی کو بولڈ کرنے پر ان کی بیٹیوں کے تاثرات نے سوشل میڈیا صارفین کے دل جیت لیے تھے۔
یاد رہے کہ شاہد آفریدی نے اپنی بیٹی کا رشتہ شاہین شاہ آفریدی سے پکا کردیا ہے۔
شاہد آفریدی کا کہنا تھا کہ شاہین شاہ آفریدی ان کے قبیلے کے نہیں لیکن شاہین شاہ آفریدی کے والدین 2 سال سے اس رشتے کو کرنے پر بضد تھے لہذا کافی سوچ بچار کے بعد انہوں نے شاہین شاہ آفریدی کیلئے ہاں کہی اور وہ اپنے اس فیصلے سے مطمئن بھی ہیں۔