بابر اعظم کے کپتانی سے استعفیٰ دینے کی خبر جنگل کی آگ کی طرح ذرائع ابلاغ میں پھیل گئی، جس کے بعد سابق کپتان کے مستعفی ہونے پر شاہین شاہ آفریدی کا بیان بھی سامنے آگیا ہے۔
پاکستان کرکٹ ٹیم کے لیفٹ ہینڈ پیسر اور نومنتخب ٹی ٹوئنٹی کپتان شاہین شاہ آفریدی نے بابر اعظم کے استعفیٰ دینے کے بعد اپنے خیالات کا اظاہر کیا ہے۔ انھوں نے فوری طور پر اپنے جذبات کا اظاہر کرنے کے لیے سوشل میڈیا پلیٹ فارم کا سہارا لیا۔
سماجی رابطے کی ویب سائٹ ایکس پر انھوں نے لکھا کہ ’آپ کی قیادت مثالی رہی، اس دوران حقیقی ٹیم ورک اور دوستی کا مشاہدہ کرنا ایک اعزاز کی بات ہے۔
پیسر نے مزید لکھا کہ ’آپ کی صف اول کی قیادت اور ٹیم کے اتحاد اور اجتماعی کامیابی کا عزم قابل تحسین ہے۔ ہماری نگاہیں اس بارت پر مرکوز ہیں کہ آپ کو بیٹنگ کے مزید ریکارڈز توڑیں گے، انشااللہ۔‘
– @babarazam258: under your exemplary leadership, it's been a privilege to witness true teamwork and camaraderie. Your forefront leadership and commitment to team unity and collective success are commendable.
Looking forward to seeing you break more batting records, In sha… pic.twitter.com/J8mTqfjtD5
— Shaheen Shah Afridi (@iShaheenAfridi) November 15, 2023
واضح رہے کہ قومی ٹیم کے کپتان بابر اعظم نے تینوں فارمیٹ کی کپتانی چھوڑنے کا اعلان کردیا ہے۔
سماجی رابطے کی ویب سائٹ ایکس (ٹوئٹر) پر قومی کرکٹر بابر اعظم نے تینوں فارمیٹ کی کپتانی چھوڑنے کا اعلان کرتے ہوئے لکھا کہ تمام فارمیٹ کی کپتانی سے دستبردار ہورہا ہوں۔
انہوں نے کہا کہ فیصلہ کرنا مشکل تھا لیکن یہی درست وقت ہے۔ بابر اعظم نے لکھا کہ پاکستان کے لیے تینوں فارمیٹ بطور کھلاڑی کھیلتا رہوں گا، پی سی بی نے جو مواقع دیے اس کا شکریہ ادا کرتا ہوں۔
