The news is by your side.

Advertisement

آج کھانے میں لذیذ شاہی کباب تیار کریں

کباب تمام اقسام کے کھانوں کے ساتھ کھائی جانے والی نہایت عام اور پسندیدہ ڈش ہے جو مختلف طریقوں سے بنائے جاسکتے ہیں۔

آج ہم آپ کو مزیدار شاہی کباب بنانے کی ترکیب بتا رہے ہیں۔


اجزا

بکرے کا گوشت (بون لیس): آدھا کلو

دار چینی: 1 ٹکڑا

انڈے: 2 عدد

درمیانی پیاز: 2 عدد

بڑی الائچی: 2 عدد

چھوٹی الائچی: 2 عدد

ہری مرچ: 3 عدد

ثابت سوکھی لال مرچ: 6 عدد

چنے کی دال: 50 گرام

بادام: 50 گرام

پستے: 50 گرام

ہرا دھنیہ: آدھی گٹھی

پودینہ: آدھی گٹھی

تیل: ایک چوتھائی کپ

ادرک: 1 درمیانہ ٹکڑا

لہسن: 3 جوے

ہلدی: 1 چائے کا چمچ

پسا ہوا گرم مصالحہ: 1 چائے کا چمچ

ثابت زیرہ: 1 کھانے کا چمچ

لیموں کا رس: 2 کھانے کے چمچ

بیسن: 3 کھانے کے چمچ

پانی: 1 سے ڈیڑھ کپ

نمک: حسب ذائقہ


ترکیب

سب سے پہلے بکرے کے گوشت کی چھوٹی بوٹیاں کاٹ لیں۔

پھر ایک کڑاہی میں گوشت، چنے کی دال، دار چینی، بڑی الائچی، چھوٹی الائچی، ادرک، لہسن، بادام، پستے، سوکھی لال مرچ، ہلکا سا نمک اور پانی شامل کردیں اور 20 سے 25 منٹ تک ڈھک کر پکائیں۔

اس کے بعد ڈھکن ہٹا کر آنچ تیز کر کے پانی اچھی طرح خشک کریں اور پلیٹ میں نکال کر تھوڑا سا ٹھنڈا کرلیں۔

اب گوشت کو دال کے ساتھ چوپر میں ڈال کر اچھی طرح سے پیس لیں۔

پھر اس میں پیاز، ہرا دھنیہ، پودینہ، ہری مرچ شامل کر کے ایک منٹ کے لیے دوبارہ پیس لیں تاکہ سب چیزیں اچھی طرح سے مکس ہوجائیں۔

اسے ایک پیالے میں نکالیں۔ اس میں ثابت زیرہ، گرم مصالحہ، ہلدی، بیسن، لیموں کا رس اور ہلکا سا نمک شامل کر کے اچھی طرح سے مکس کریں۔

اس کے گول گول کباب بنائیں۔ اس کے بعد انڈوں کو الگ پیالی میں اچھی طرح پھینٹ لیں اور باقی بچا ہوا بیسن اس میں شامل کر کے مزید پھینٹ لیں۔

آخر میں ان کبابوں کو ان پھینٹے ہوئے بیٹر میں ڈپ کریں اور پین میں گرم تیل میں شیلو فرائی کرلیں۔

مزیدار شاہی کباب تیار ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں