The news is by your side.

Advertisement

عشرت العباد گورنر کے منصب کا اخلاقی جواز کھو چکے، شاہی سید

کراچی: عوامی نیشنل پارٹی سندھ کے صدر شاہی سید نے کہا ہے کہ گورنر سندھ اور مصطفیٰ کمال کے الزامات میں بے گناہوں کا لہو بول رہا ہے مگر ریاست پھر بھی حرکت میں نہیں آرہی۔

تفصیلات کے مطابق میڈیا سے گفتگو کرتے ہوئے سینیٹر شاہی سید نے کہا کہ عوامی نیشنل پارٹی نے کئی بار 12 مئی کے حوالے سے اپنے تحفظات سے آگاہ کیا مگر کسی نے کان نہیں دھرے۔

انہوں نے  کہا کہ گورنر سندھ اور مصطفیٰ کمال 12 مئی کے الزامات ایک دوسرے پر عائد کررہے ہیں، اب گھر کے بھیدی خود لنکا ڈھا رہے ہیں مگر ریاست پھر بھی خاموش تماشائی بنی ہوئی ہے۔

پڑھیں:  جرم کے ساتھی ایک دوسرے کے راز کھول رہے ہیں، نثار کھوڑو

 عوامی نیشنل پارٹی کے صدر کا کہنا تھا کہ کراچی میں قتل کیے جانے والے بے گناہ افراد کا لہو چیخ چیخ کر انصاف مانگ رہا ہے مگر ریاست تحقیقات میں سنجیدہ نظر نہیں آرہی۔ شاہی سید نے مزید کہا کہ عشرت العباد گورنر کے منصب کا اخلاقی جواز کھو چکے ہیں لہذا انہیں چاہیے کہ فوری طور پر مستعفیٰ ہوجائیں۔

دوسری جانب پی پی کے نومنتخب صدر سندھ نےبھی گورنر سندھ اور مصطفیٰ کمال کے بیان پر تبصرہ کرتے ہوئے کہا کہ ’’شہر کراچی کو تعصب کی سیاست اور دہشت گردی نے تباہ کردیا، آج جرم کے ساتھی ایک دوسرے کے راز کھول رہے ہیں‘‘۔

Comments

comments

یہ بھی پڑھیں