The news is by your side.

Advertisement

الیکشن کا سال ہے کیا اس لیے پی ٹی آئی کو بارہ مئی کی یاد آئی، شاہی سید

کراچی: عوامی نیشنل پارٹی سندھ کے صدر سینیٹر شاہی سید نے کہا ہے کہ الیکشن کا سال ہے کیا اس لیے پی ٹی آئی کو بارہ مئی کی یاد آئی۔

ان خیالات کا اظہار وہ کراچی میں باچاخان سیکریٹریٹ سے متصل گراؤنڈ میں اے این پی کے جلسے سے خطاب کرتے ہوئے کر رہے تھے۔ انھوں نے کہا کہ سانحہ 12 مئی میں تحریک انصاف کا ایک بھی کارکن زخمی نہیں ہوا۔

انھوں نے اپنے خطاب میں پی پی پر بھی تنقید کرتے ہوئے کہا کہ 19 سال حکومت میں رہنے والی پیپلزپارٹی کس سے انصاف مانگ رہی ہے؟

شاہی سید نے کہا کہ 12 مئی کے شہدا کو اب تک انصاف نہیں ملا، چیف جسٹس پاکستان سے اپیل کرتے ہوئے کہا کہ وہ سانحے کے ذمہ داروں کو کیفر کردار تک پہنچائیں۔

خیال رہے کہ بارہ مئی کراچی کی تاریخ کا ایک سیاہ ترین دن بن چکا ہے، جب چیف جسٹس آف پاکستان افتخار چوہدری کی کراچی آمد پر سڑکیں خون سے رنگین کردی گئیں اور چالیس شہریوں کو موت کے گھاٹ اتارا گیا۔

اس سانحے کی مناسبت سے آج شہر میں پاکستان پیپلز پارٹی اور تحریک انصاف کے جلسے بھی منعقد ہورہے ہیں جن میں بلاول بھٹو زرداری اور عمران خان خطاب کر رہے ہیں۔

چیف جسٹس ثاقب نثار نے 12 مئی کیس کی فائل طلب کرلی


واضح رہے کہ بارہ مئی کے سانحے کو آج گیارہ برس مکمل ہوگئے ہیں، چیف جسٹس آف پاکستان جسٹس ثاقب نثار نے بھی اس کیس کی فائل طلب کرلی ہے۔ خیال رہے کہ یہ کیس سندھ ہائی کورٹ میں زیر سماعت ہے۔

12 مئی کے خونریز دن کو 11 برس بیت گئے


سب سے قابل افسوس امر یہ ہے کہ گیارہ سال گزرنے کے باوجود بے گناہ مرنے والوں کے لواحقین آج بھی انصاف کی راہ دیکھ رہے ہیں، دوسری طرف ان گیارہ برسوں میں آج کا دن ایک نمایاں دن ہے جب سانحے پر سیاست عروج پر پہنچ چکی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں