لاہور: قومی کرکٹ ٹیم کے سابق کپتان شاہد آفریدی نے افغانستان کے سابق کرکٹر شاپور زدران کی صحت کے حوالے سے ان کے لیے نیک تمناؤں کا اظہار کیا ہے۔
رپورٹس کے مطابق شاہد آفریدی نے 38 سالہ شاپور زدران کے لیے ہر قسم کی مدد کی پیشکش بھی کردی ہے۔
زدران کی طبی حالت انتہائی تشویشناک بتائی جا رہی ہے اور انہیں ایک سنگین طبی پیچیدگی کے باعث اسپتال کے انتہائی نگہداشت وارڈ آئی سی یو میں داخل کرایا گیا ہے۔
Had a heartfelt call with Shapoor Zadran’s brother today. Truly saddened to hear about his condition.
You’ve always been a fighter on the field, and I know you’ll fight this too.
Praying for your speedy recovery.#ShapoorZadran #StayStrong #CricketFamily #Prayers pic.twitter.com/2Sn1KKJ5Qd— Shahid Afridi (@SAfridiOfficial) April 17, 2026
شاہد آفریدی نے اس حوالے سے سوشل میڈیا پر بیان میں کہا کہ آج زدران کے بھائی سے بات ہوئی اور سابق کرکٹر کی حالت کے بارے میں سن کر بہت تکلیف پہنچی۔
آفریدی نے سابق افغان کرکٹر کے لیے لکھا کہ آپ میدان میں ہمیشہ ایک فائٹر رہے ہیں اور مجھے یقین ہے کہ آپ اس مشکل سے بھی اسی حوصلے کے ساتھ لڑیں گے۔ آپ کی جلد صحتیابی کے لیے دعاگو ہوں۔
افغان کرکٹر آئی سی یو میں داخل، حالت تشویشناک
آفریدی کا اپنی پوسٹ میں مزید کہنا تھا کہ پاکستان اور میں آپ کے ساتھ کھڑے ہیں، اگر کسی بھی مدد کی ضرورت ہو تو میں ہمیشہ موجود ہوں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں