The news is by your side.

Advertisement

شاہد آفریدی ’جموں جانباز‘ کے مینٹور اور کپتان مقرر

قومی ٹیم کے سابق کپتان شاہد خان آفریدی کو کشمیر پریمیئر لیگ میں جموں جانباز کا مینٹور اور کپتان مقرر کردیا گیا۔

قومی ٹیم کے سابق اسٹار آل راؤنڈر شاہد آفریدی کشمیئر پریمیئر لیگ کی فرنچائز جموں جانباز سے منسلک ہوگئے، لیگ رواں سال اگست میں کھیلی جائے گی۔

شاہد آفریدی پی ایس ایل 7 کے اوائل میں کوئٹہ گلیڈی ایٹرز کی نمائندگی کے بعد انجری کے باعث لیگ سے الگ ہوگئے تھے۔

تاہم اب ان کی کشمیر پریمیئر لیگ میں بطور کرکٹر واپسی ہوئی ہے اور مداح انہیں کشمیر پریمیئر لیگ میں ایکشن میں دیکھ سکیں گے۔

شاہد آفریدی کشمیر پریمیئر لیگ میں جموں جانباز کی قیادت کریں گے۔

انہوں نے اپنی شمولیت پر کہا کہ انہیں کسی فیئرویل کی ضرورت نہیں ہے کیونکہ قوم کی حمایت ہی ان کے لیے کافی ہے اور لوگوں کی محبت ان کے لیے زیادہ اہم ہے۔

Comments

یہ بھی پڑھیں