اسلام آباد: وزیراعظم عمران خان سے سابق کپتان قومی کرکٹ ٹیم شاہد آفریدی نے ملاقات کی۔
تفصیلات کے مطابق وزیراعظم عمران خان سے سابق کرکٹر شاہد آفریدی نے ملاقات کی جس میں غریب، محنت کش، مستحقین موضوع بحث رہے۔
وزیراعظم سے ملاقات میں شاہد آفریدی نے انسانیت کی خدمت کے عزم کا اظہار کیا۔
اس موقع پر شاہد خان آفریدی کا کہنا تھا کہ خیبرپختونخوا سمیت پورے پاکستان میں غریبوں کے لیے پناہ گاہیں بنانا میرا مشن ہے، غریبوں اور بے سہارا لوگوں کے لیے شیلٹر ہومز بنانا چاہتا ہوں، پناہ گاہیں کاروباری افراد اور دوستوں کے ساتھ مل کر بناؤں گا۔
Had a wonderful meeting with @ImranKhanPTI & I extended my full support for the PM Shelter Homes project for the deserving people. Also requested for a Cricket Academy for the youth of FATA #HopeNotOut. pic.twitter.com/pqnitOPYZl
— Shahid Afridi (@SAfridiOfficial) July 15, 2019
شاہد خان آفریدی نے وزیراعظم عمران خان سے فاٹا کے نوجوانوں کے لیے کرکٹ اکیڈمی بنانے کی بھی درخواست کی۔
وزیراعظم عمران خان نے شاہد آفریدی کی انسانیت کی خدمت کے جذبے کی تعریف کرتے ہوئے کہا کہ وہ خوش قسمت لوگ ہوتے ہیں جو بے سہارا، نادار لوگوں کی خدمت کا عملی مظاہرہ کرتے ہیں، شیلٹر ہوم کا دائرہ پورے ملک میں پھیلائیں گے۔
شاہد آفریدی کا آئی ایس پی آر میں انٹرن شپ پر آئے نوجوانوں سے خطاب
شاہد آفریدی نے آئی ایس پی آر میں انٹرن شپ پر آئے نوجوانوں سے خطاب کرتے ہوئے کہا کہ پاکستان کے مستقبل کے معماروں سے مل کر بہت خوش ہوں، مقاصد کے حصول کے لیے یہ اچھا پلیٹ فارم ہے۔
A great pleasure to interact with representatives of Pakistani youth undergoing internship at ISPR. It’s good to dream about set goals. Dreams can only be realised through hard work. You are the hope and hope must stay alive as @HopeNotOut@OfficialDGISPR@peaceforchange pic.twitter.com/t5mUh9ZyJk
— Shahid Afridi (@SAfridiOfficial) July 15, 2019
آفریدی نے کہا کہ صرف محنت سے ہی خوابوں کو حقیقت میں بدلا جاسکتا ہے، اپنے مستقبل کے اہداف کے لیے خواب دیکھنا اچھی بات ہے، نوجوان پاکستان کے مستقبل کی امید ہیں۔
