The news is by your side.

Advertisement

اسٹارکرکٹر شاہد آفریدی کی بیٹیوں کے ہمراہ عمرے کی ادائیگی

جسے بھی موقع ملے وہ ضرور رمضان میں مکہ اور مدینہ آئے اور عمرہ ادا کرے

مکہ مکرمہ : اسٹارکرکٹرشاہد آفریدی نے بیٹیوں کے ہمراہ عمرے کی سعادت حاصل کرلی ، شاہد آفریدی نے کہا یہ لمحہ ، یہ بابرکت رات، خودکوخوش قسمت محسوس کررہاہوں، جسے بھی موقع ملے وہ ضرور رمضان میں مکہ اور مدینہ آئے اور عمرہ ادا کرے۔

تفصیلات کے مطابق اسٹار کرکٹرشاہد آفریدی کی اپنی بیٹیوں کے ہمراہ عمرہ ادائیگی کی تصاویر سوشل میڈیا پر وائرل ہوگئی۔

شاہد آفریدی نے سماجی رابطے کی ویب سائٹ ٹوئٹر پر ویڈیو پوسٹ کی ، جس میں شاہدآفریدی نےعمرےکی ادائیگی کے دوران چھوٹی بیٹی کوپیٹھ پر اٹھا رکھا تھا۔

ٹوئیٹ میں لکھا یہ اللہ اکبرکی گونج ،یہ لمحہ، یہ بابرکت رات میں خود کوخوش قسمت محسوس کررہا ہوں یہاں موجود ہوں اوراللہ سےمعافی طلب کی اور اپنےملک کےعوام اورانسانیت کیلئےرحمت اورپاکستان پر برکتیں نازل کرنےکی دعا کی۔

ان کا مزید کہنا تھا جسے بھی موقع ملے وہ ضرور رمضان میں مکہ اور مدینہ آئے اور عمرہ ادا کرے۔

Comments

comments

یہ بھی پڑھیں