The news is by your side.

Advertisement

شاہد آفریدی کو ایم سی سی کی لائف ٹائم ممبر شپ مل گئی

سڈنی: قومی کرکٹ ٹیم کے سابق کپتان شاہد آفریدی کو میلبورن کرکٹ کلب (ایم سی سی) کی لائف ٹائم ممبر شپ مل گئی۔

قومی ٹیم کے سابق کپتان شاہد آفریدی نے سماجی رابطے کی ویب سائٹ ٹویٹر پر اپنے پیغام میں کہا کہ ایم سی سی کا شکر گزار ہوں کہ انہوں نے مجھے عزت بخشی۔

شاہد آفریدی کا کہنا تھا کہ میں کرکٹ کو پروموٹ کرنے لیے اپنا کردار ادا کرتا رہوں گا۔

واضح رہے کہ پاکستان کے 25 کھلاڑیوں کو ایم سی سی جانب سے اعزازی مستقل ممبر شپ دی جاچکی ہے۔

شاہد آفریدی سے قبل جاوید برکی، نسیم ال گیلانی، سعید احمد، مشتاق محمد، انتخاب عالم، وسیم باری، آصف اقبال، ماجد خان، صادق محمد، ظہیر عباس، اے اے عباسی کو بھی ممبر شپ دی گئی ہے۔

وزیراعظم و سابق کپتان عمران خان، مدثر نذر، اقبال قاسم، احسان مانی، وسیم اکرم، وقار یونس، جاوید میانداد، رمیز راجا، مصباح الحق بھی اعزازی ممبر شپ حاصل کرچکے ہیں۔

Comments

یہ بھی پڑھیں