امید کرتا ہوں پاکستانی ٹیم کم بیک کرے گی: شاہد آفریدی: Pakistan: Asiacup
The news is by your side.

Advertisement

امید کرتا ہوں پاکستانی ٹیم کم بیک کرے گی: شاہد آفریدی

کراچی: قومی کرکٹ ٹیم کے سابق کپتان اور آل راؤنڈر شاہد آفریدی نے کہا ہے کہ امید کرتا ہوں پاکستانی ٹیم کم بیک کرے گی، ہم ٹیم کے ساتھ ہیں۔

ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے جاری کردہ پیغام میں کیا، خیال رہے کہ آج ایشیاکپ کے میچ میں قومی کرکٹ ٹیم کی بھارت کے ہاتھوں شکست ہوئی ہے۔

شاہد آفریدی کا کہنا تھا کہ ٹورنامنٹ میں پاکستان ٹیم کی امیدیں اب بھی باقی ہیں، ہم سب پاکستان ٹیم کے ساتھ ہیں۔

اگر فائنل کھیلنا ہے تو بڑی ٹیم کو ہرانا ہوگا، سرفراز احمد

واضح رہے کہ بھارت پاکستان کو شکست دے کر ایشیا کپ کے فائنل میں پہنچ چکا ہے، جبکہ پاکستان ٹیم اپنا سپر فور مرحلے کا آخری میچ 26 ستمبر کو کھیلے گا۔

ایشیا کپ میں قومی ٹیم کسی بھی بڑی ٹیم کے خلاف کامیابی حاصل نہیں کرسکی ہے، قومی ٹیم نے ایونٹ میں ہانک کانگ اور افغانستان کو شکست دی ہے جبکہ بھارت کے خلاف ہوئے دونوں میچز میں ناکامی کا سامنا رہا ہے۔

دوسری جانب قومی ٹیم کرکٹ ٹیم کے کپتان سرفراز احمد نے کہا ہے کہ کیچز نہیں پکڑیں گے تو بڑے ہدف کا دفاع بھی ممکن نہیں، اگر فائنل کھیلنا ہے تو بڑی ٹیم کو ہرانا ہوگا۔

Comments

comments

یہ بھی پڑھیں