70سال ہوئے کراچی شہرکے مسائل آج تک حل نہ کیے جاسکے‘ شاہد آفریدی -
The news is by your side.

Advertisement

70سال ہوئے کراچی شہرکے مسائل آج تک حل نہ کیے جاسکے‘ شاہد آفریدی

کراچی : پاکستان کرکٹ ٹیم کے سابق کپتان شاہد خان آفریدی کا کہنا ہے کہ کراچی سمندر کے کنارے ہے لیکن مکین پانی کے بوند بوند کوترس رہے ہیں۔

تفصیلات کے مطابق پاکستان کے سابق کپتان شاہد آفریدی نے سماجی رابطے کی ویب سائٹ ٹویٹر پر اپنے پیغام میں کہا کہ آخر کب پانی کا مسئلہ حل ہوگا؟۔

شاہد آفریدی نے کہا کہ 70سال ہوئے کراچی شہرکے مسائل آج تک حل نہ کیے جاسکے، کراچی سمندر کے کنارے ہے لیکن مکین پانی کے بوند بوند کوترس رہے ہیں۔

سابق آل راؤنڈر کرکٹرشاہد آفریدی نے مزید کہا کہ حکومتیں آئیں اورگئیں مگر پانی کا مسئلہ ٹھیک نہ کیا۔

حب ڈیم میں پانی انتہائی کم رہ گیا

خیال رہے کہ گزشتہ روز واٹر بورڈ حکام کا کہنا تھا کہ حب ڈیم میں پانی کی سطح صرف نو انچ رہ گئی ہے جس کے باعث کراچی کے ضلع غربی اور وسطی کو صرف دس روز تک پانی کی فراہمی ممکن ہوسکے گی۔

واٹر بورڈ کے مطابق اگر بارشیں نہ ہوئیں تو جولائی کے آخری ہفتے میں بیشتر علاقوں میں پانی کی فراہمی مکمل طور پر بند ہوجائے گی۔

پانی کے بحران پر کراچی میں فسادات ہوسکتے ہیں‘ فاروق ستار

یاد رہے کہ رواں سال 21 اپریل کو ایم کیو ایم پاکستان کے رہنما ڈاکٹرفاروق ستار نے خدشہ ظاہر کیا تھا کہ کہیں پانی کے مسئلے پرشہرمیں فسادات نہ ہوجائیں.


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں