شاہد آفریدی اور اینگرو کے درمیان تھر میں اسپتال بنانے کا معاہدہ -
The news is by your side.

Advertisement

شاہد آفریدی اور اینگرو کے درمیان تھر میں اسپتال بنانے کا معاہدہ

کراچی: شاہد آفریدی فاؤنڈیشن اور اینگرو کے درمیان تھر میں اسپتال بنانے کا معاہدہ طے پاگیا۔ آفریدی کا کہنا تھا کہ وہ گراؤنڈ جو شادی بیاہ کی تقریبات میں استعمال ہوتے ہیں مجھے دیے جائیں۔

تفصیلات کے مطابق کراچی میں منعقدہ ایک تقریب میں اینگرو اور شاہد آفریدی فاؤنڈیشن کے درمیان صحرائے تھر میں اسپتال بنانے کا معاہدہ طے پاگیا۔

شاہد آفریدی فاؤنڈیشن اینگرو کے تعاون سے تھر میں زچہ و بچہ کے لیے 100 بستروں کا اسپتال بنائے گی۔

اس موقع پر شاہد آفریدی کا کہنا تھا کہ کشکول لے کر کسی کے آگے ہاتھ نہیں پھیلائے۔ ان کا شکر گزار ہوں جنہوں نے میری آواز اٹھانے پر جواب دیا۔

آفریدی نے مطالبہ کیا کہ وہ گراؤنڈ جو شادی بیاہ کی تقریبات میں استعمال ہوتے ہیں وہ انہیں دے دیے جائیں۔ ان کے مطابق ان کی اکیڈمی میں صرف کرکٹ نہیں بلکہ تعلیم بھی دی جائے گی۔

یاد رہے کہ شاہد خان آفریدی کچھ عرصہ قبل بین الاقوامی کرکٹ سے ریٹائر ہوچکے ہیں۔ ان کی توجہ اب فلاحی کاموں پر مرکوز ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں