تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سرفراز نے غصہ کیا تو کیا کریں گے؟ شاہد آفریدی کا دوٹوک پیغام

قومی ٹیم کے سابق کپتان شاہد خان آفریدی کا کہنا ہے کہ سرفراز احمد نے غصہ کیا تو گراؤنڈ کے باہر ری ایکشن دوں گا۔

کوئٹہ گلیڈی ایٹرز کی تقریب میں میڈیا سے گفتگو کرتے ہوئے شاہد آفریدی نے کہا کہ میں اپنے وعدے کے مطابق رواں سال گلیڈی ایٹرز کا حصہ بن گیا ہوں، سرفراز احمد فیورٹ کپتان ہے، وہ فیلڈ میں جان لگاتا ہے جو مجھے پسند ہے، کوشش ہوگی کوئٹہ کی کامیابیوں میں اہم کردار ادا کروں۔

شاہد آفریدی نے کہا کہ بطور سینئر کھلاڑی ٹیم کو لڑنا سکھاؤں گا، کوشش ہوگی کہ کم سے کم غلطی کی جائے، کھلاڑیوں کو کپتان کے گیم پلان پر عمل کرنا ہوگا۔

انہوں نے کہا کہ سرفراز نے اگر غصہ کیا تو گراؤنڈ کے باہر ری ایکشن دوں گا لیکن کپتان کا غصہ ہونا قدرتی عمل ہے، سرفراز کو اس کے اپنے اسٹائل سے کھیلنے دوں گا لیکن اس کے ساتھ ہی کپتان کو یہ محسوس نہیں ہونے دوں گا کہ میں بوڑھا ہوگیا ہوں۔

سابق اسٹار آل راؤنڈر نے کہا کہ یہ میرا آخری اور حتمی فیصلہ ہے کہ پی ایس ایل سیون ون میرا آخری ایڈیشن ہوگا۔

Comments

- Advertisement -