The news is by your side.

Advertisement

شاہد آفریدی دنیائے کرکٹ کے دلکش ترین کھلاڑی قرار

پاکستانی کرکٹر شاہد آفریدی کو دنیائے کرکٹ کے کھلاڑیوں میں دلکش کھلاڑی قرار دیا گیا ہے۔

حال ہی میں ایک غیر ملکی ویب سائٹ کی جانب سے سروے کیا گیا، جس میں دنیا بھر سے گیارہ کرکٹرز کی ان کی شکل وصورت اور اسٹائل کی بناء پر درجہ بندی کی گئی اور پاکستان کے شاہد آفریدی کو رینکنگ میں نمبر ون قراردیدیا جبکہ پاکستان کے تین کھلاڑی بھی اس فہرست میں شامل ہیں۔

دلکش گیارہ کھلاڑیوں میں شاہد آفریدی نمبر ون، الیسٹر کک دوسرے ، احمد شہزاد تیسرے، مائیکل کلارک چوتھے، ویرات کوہلی پانچویں، کیون پیٹرسن چھٹے ، ڈیوڈ گاور ساتویں ، عمران خان آٹھویں ، بریٹ لی نویں ، جیمز اینڈر سن دسویں اور شین بونڈ گیارہویں نمبر پر ہیں۔

شاہد آفریدی

Shahid-Afridi

شاہد خان آفریدی کا نام پاکستان کے بہترین آل راؤنڈرز میں آتا ہے، اپنی جارحانہ بلے بازی کی وجہ سے کئی ریکارڈ بھی اپنے نام کر چکے ہیں۔ وہ ٹیسٹ کرکٹ میں سب سے زیادہ چھکے مارنے والے کھلاڑی ہونے کے ساتھ ساتھ، سب سے بہترین اسٹرائیک ریٹ کا ریکارذ بھی اپنے نام کر چکے ہیں، آفریدی بوم بوم آفریدی کے نام سے بھی پہچانے جاتے ہیں۔

ماڈلنگ کے شعبے میں بھی خوب نام کمانے والے بوم بوم کئی کمپنیوں کے برانڈ ایمبیسڈر رہ چکے ہیں۔

الیسٹر کک

captain-Alastair-Cook

انگلینڈ ٹیسٹ کپتان ایلسٹر کک سب سے زیادہ خوبصورت کرکٹرز میں سے ایک ہے، کک اپنی خوبصورت آنکھوں کی وجہ سے مداحوں میں بہت مقبول ہے، الیسٹر کک ٹیسٹ کرکٹ میں10,000رنز مکمل کر چکے ہیں۔

احمد شہزاد

Ahmed-Shehzad

احمد شہزاد اپنی پرکشش شخصیت کے باعث بہت مشہور ہیں ، اس لئے پاکستانی کھلاڑیوں میں شاہد آفریدی کے بعد سب سے زیادہ پرکشش قرار دیا گیا ہے، 2008 میں انڈر 19 ورلڈ کپ کے بعد شہزاد ٹیسٹ اسکواڈ میں داخل ہوئے اور 2009 میں ون ڈے انٹرنیشنل آسٹریلیا کے خلاف کھیلا۔

مائیکل کلارک

Michael-Clarke

دنیائے کرکٹ میں سابق آسٹریلوی کپتان کا چہرہ سب سے زیادہ دلکش چہروں میں سے ایک ہے، مائیکل کلارک بھی اپنی پرکشش شخصیت کے باعث مقبول ہیں، اسٹائلش بیٹسمین نے اپنی قیادت میں دوہزار پندرہ میں آسٹریلیا کو پانچویں بار ورلڈ کپ جتوایا۔

کلارک کا شمار دنیا کے امیر ترین کھلاڑیوں میں ہوتا ہے جبکہ کئی کمپنیوں کے برانڈ ایمبیسڈر بھی ہیں۔

ویرات کوہلی

Virat-Kohli

بھارتی کرکٹ ٹیم کے ٹیسٹ کپتان ویرات کوہلی اپنی دلکشی کے باعث لڑکیوں میں مقبول ہیں، ویرات کوہلی کو بھارت کے لیے رنز بنانے کی مشین قراردیا جاچکا ہے، کوہلی بھی دنیا کے اہم برانڈ سفیر ہیں، کوہلی کو ان کی مقبولیت اور دلکش شخصیت کی وجہ سے کمپنیاں اپنے اشتہارات میں لیتی ہے اور ویرات کوہلی ایک بھاری معاوضہ ادا کرتی ہے۔

ویرات کوہلی نے اشتہارات میں کام کرنے کیلئے ایک دن کا 2 کروڑ روپے معاوضہ وصول کیا، جو سچن ٹنڈولکر کے برابر ہے۔

کیون پیٹرسن

Kevin-Pietersen

جنوبی افریقہ میں پیدا ہونے والے کیون پیٹرسن کا شمار دنیائے کرکٹ کے دلکش کھلاڑیوں میں ہوتا ہے ، پیٹرسن کو دلچسپ ہیئر اسٹائل کی بدولت خاصا پسند کیا جاتا ہے، کیون پیٹرسن متنازعہ ہوکر اپنی ٹیم سے باہر ہونے سے قبل انگلینڈ کے مایہ ناز بلے باز تھے۔ 2005 میں آسٹریلیا کے خلاف انہوں نے اپنے کیریئر کا پہلا میچ کھیلا۔

ڈیوڈ گوور

David-Gower

ڈیوڈ گاور اپنے دور میں پرکشش ترین کھلاڑی قرار دیا جاتا تھا۔ گروور نے کیرئیر کا آخری ٹیسٹ پاکستان کے خلاف 1992 میں کھیلا، ڈیوڈ گوور کو تاریخ کے جاذبِ نظر لیفٹ ہینڈ بیٹسمین کا اعزاز حاصل ہے، ڈیوڈ گوور نے ٹیسٹ میچوں میں 8231 رنز بنائے۔

عمران خان

imran-khan

عمران خان کی پرکشش شخصیت کا جادو آج بھی سر چڑھ کر بولتا ہے، اپنے دور عروج میں لاکھوں دلوں کی دھڑکن تھے، انھوں نے پاکستان کو 1992 کا ورلڈ کپ جتوایا،عمران خان نے 88 ٹیسٹ اور 175 ون ڈے میں پاکستان کی نمائندگی کی اور بالترتیب 362 اور 182 وکٹیں لیں۔

بریٹ لی

briit

بریٹ لی اپنی دلکش شخصیت کے باعث لڑکیوں میں بہت مقبول ہیں، کرکٹ کے بعد بریٹ لی بالی ووڈ کی فلم ’’ان انڈین‘‘ میں بھی کام کرچکے ہین ، جو رواں سال اگست میں ریلیز ہوئی، اس کے علاوہ وہ ایک میوزک بینڈ ’’سکس اینڈ آؤٹ‘‘ کا بھی حصہ ہیں جبکہ گٹار بجانے کے بھی ماہر ہیں، اپنے کیریئر میں وہ 76 ٹیسٹ اور 221 ون ڈے کھیل چکے ہیں جس میں بالترتیب 310 اور 380 وکٹ لے چکے ہیں۔

جیمز اینڈر سن

James-Anderson

انگلش کرکٹ ٹٰیم کے کھلاڑی کرکٹ کے ساتھ ساتھ گلیمر کی دنیا میں بھی خاصے مقبول ہیں، اینڈرسن کا شمار بھی دنیا کے پرکشش ترین کرکٹرز میں کیا جاتا ہے، اینڈرسن کے مداحوں میں لڑکیوں کی بڑی تعداد ہے،جیمز اینڈر سن ٹیسٹ میچز میں سب سے زیادہ وکٹیں لینے والے بولر ہیں، انھوں نے 117 ٹیسٹ میچوں میں 463 وکٹیں لیں اور 194 ون ڈے میچوں میں 269 وکٹیں لی ہیں۔

شین بونڈ

shane-bond

شین بونڈ شین بونڈ کا کیرئیر انجریز کے باعث جلد ختم ہونے کے باوجود شہرت کی بلندیوں پر پہنچے اور اپنی دلکش شخصیت کے باعث مداحوں میں بہت مقبول رہے۔

Print Friendly, PDF & Email

Comments

comments

یہ بھی پڑھیں