site
stats
کھیل

شاہد آفریدی دبئی میں قید پاکستانیوں کی رہائی کے لیے کوشاں

دبئی: ٹی ٹوئنٹی کے سابق کپتان شاہد خان آفریدی نے دبئی کی جیلوں میں قید پاکستانی شہریوں کی واپسی کے لیے اپنی فاؤنڈیشن کی خدمات پیش کرتے ہوئے اعلیٰ سطح پر کوشش شروع کردی۔

سماجی رابطے کی ویب سائٹ ٹوئٹر پر شاہد خان آفریدی نے دبئی دورے اور وہاں ہونے والی ملاقاتوں کا احوال شیئر کیا جن میں آفریدی نے بتایا کہ ان کی شاہد آفریدی فاؤنڈیشن دبئی کی جیلوں میں قید تیس (30) پاکستانیوں کی رہائی کے لیے کوشاں ہے۔

ٹی ٹوئنٹی کے سابق کپتان نے اپنی فاؤنڈیشن کی جانب سے دبئی میں اعلیٰ سطح کے افسران سے ملاقاتیں کیں اور جیلوں میں قید پاکستانیوں کی رہائی کے لیے اپیل بھی کی۔ علاوہ ازیں شاہد آفریدی نے دبئی کے پولیس چیف سے ملاقات کر کے اپنی فاؤنڈیشن کی جانب سے ایک یادداشت بھی پیش کی۔

شاہد آفریدی کا کہنا ہے کہ اُن کی فاؤنڈیشن دبئی کی جیلوں میں قید پاکستانیوں کی رہائی کے لیے جرمانہ ادا کرنے کو تیار ہے تاکہ وہ وطن واپس آکر اپنے پیاروں کے ساتھ ہنسی خوشی زندگی گزار سکیں۔

خیال رہے کرکٹ کی دنیا کو خیر آباد کہنے کے بعد شاہد آفریدی اپنی فاؤنڈیشن کو مکمل وقت دے رہے ہیں، اُن کی فاؤنڈیشن مختلف سماجی کاموں میں مصروف عمل بھی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top