کراچی: قومی کرکٹ ٹیم میں گیارہ سال بعد واپس آکر چار سنچریاں بنانے والے ٹیسٹ کرکٹر فواد عالم نے آفریدی کو بھی اپنا گرویدہ بنالیا۔
تفصیلات کے مطابق قومی کرکٹ ٹیم کے سابق کپتان شاہد آفریدی نے سماجی رابطے کی ویب سائٹ ٹویٹر پر فواد عالم کی بیٹنگ کی تعریف کی۔
بوم بوم آفریدی نے فواد عالم کو دوسروں کے لیے بہترین مثال قرار دیا۔
آئی سی سی کے ٹویٹ کو ری ٹویٹ کرتے ہوئے شاہد آفریدی نے فواد عالم کو ٹیگ کیا اور سنچری کی مبارک باد دی۔
Congratulations @iamfawadalam25 !An incredible journey of patience and resilence, Fawad always let his bat do the talk and has now become Pakistan’s Test batting mainstay, great example for others! 👏 https://t.co/51dxrKCmUn
— Shahid Afridi (@SAfridiOfficial) August 23, 2021
انہوں نے لکھا کہ ’صبر اور تحمل مزاجی کا سفر فواد عالم نے خوب طے کیا، فواد نے ہمیشہ اپنے بلے سے ناقدین کے منہ بند کروائے۔‘
شاہد آفریدی نے لکھا کہ ’اب اس طویل سفر کے بعد فواد عالم آخرکار پاکستان کرکٹ ٹیم کے لیے ریڑھ کی ہڈی کی مانند ہے اور دوسروں کے لیے بہترین مثال ہیں۔‘
واضح رہے کہ فواد عالم نے ویسٹ انڈیز کے خلاف دوسرے ٹیسٹ میچ کے تیسرے روز 124 رنز کی ناقابل شکست اننگز کھیلی تھی۔
