کراچی: مسجد نبویﷺ میں گزشتہ روز پیش آنے والے واقعے پر سابق کپتان شاہد آفریدی کا ردعمل سامنے آگیا۔
اے آر وائی نیوز کے مطابق سابق کپتان شاہد آفریدی نے سماجی رابطے کی ویب سائٹ ٹویٹر پر اپنے پیغام میں کہا کہ یہ وہ جگہ ہے جہاں آواز بلند کرنے کی بھی ممانعت ہے مگر ہم اپنی سیاسی دشمنیاں نبھانے کے لیے حرم کی حرمت تک بھول گئے۔
شاہد آفریدی نے لکھا کہ ہم ریاست مدینہ کے تقدس سے بھی منکر ہوگئے۔
انہوں نے لکھا کہ مسجد نبوی ﷺ میں نعرے لگانے والوں کی پہچان تو ہوجائے گی لیکن پاکستان کی شناخت کو آج ناقابل تلافی نقصان پہنچا ہے۔
یہ وہ جگہ ہے جہاں آواز بلند کرنے کی بھی ممانعت ہے مگر ہم اپنی سیاسی دشمنیاں نبھانے کے لئے حرم کی حرمت تک بھول گئے۔ریاست مدینہ کے تقدس سے بھی منکر ہو گئے۔نعرے لگانے والوں کی پہچان تو ہو جائے گی لیکن پاکستان کی شناخت کو آج ناقابل تلافی نقصان پہنچا ہے۔ pic.twitter.com/GesGxrftQE
— Shahid Afridi (@SAfridiOfficial) April 28, 2022
واضح رہے کہ سعودی سفارتخانے کا کہنا ہے کہ مقدس مقام کے احترام کو ملحوظ خاطر نہ رکھنے پر پاکستانیوں کو گرفتار کیا گیا ہے، پاکستان میں ترجمان سعودی سفارتخانے نے بھی پاکستانیوں کی گرفتاری کی تصدیق کردی ہے۔
ترجمان سعودی سفارتخانے کا کہنا ہے کہ کچھ پاکستانیوں کو قواعد و ضوابط کی خلاف ورزی پر گرفتار کیا گیا ہے۔
یاد رہے کہ گزشتہ روز وزیراعظم وفد کے ہمراہ مسجد نبوی ﷺپہنچے تھے تو لوگوں نے ’شہباز شریف چور چور‘ کے نعرے لگادیے تھے۔
