کراچی: قومی ٹیم کے سابق کپتان شاہد آفریدی کا کہنا ہے کہ ٹینکر مافیا کا قبضہ ختم کرواکے گراؤنڈ بنوانا بڑا اقدام ہے۔
اے آر وائی نیوز کے مطابق سابق کپتان شاہد آفریدی نے وزیراعظم عمران خان کے خصوصی فنڈز سے قائم ہونے والے گراؤنڈ کا دورہ کیا اس موقع پر رکن قومی اسمبلی عالمگیر خان نے آفریدی کو میدان سے متعلق بریفنگ دی۔
بوم بوم آفریدی نے کہا کہ گلشن اقبال کے نوجوانوں کے لیے گراؤنڈ وزیراعظم کا بڑا تحفہ ہے، نوجوان کے لیے کھیلوں کے میدان آباد ہونا خوش آئند قدم ہے۔
معروف کرکٹر و سابق کپتان شاہد خان آفریدی کا گلشن اقبال بلاک ۶ میں وزیراعظم عمران خان کے خصوصی فنڈز سے بنائے جانے والے کرکٹ گراؤنڈ کا دورہ#PTIRestoringNA243 #PTIOwnsKarachi pic.twitter.com/cA14uXaeIr
— Alamgir Khan (@AKFixit) July 31, 2021
اس موقع پر رکن اسمبلی عالمگیر خان نے کہا کہ آنے والے وقت میں مزید کھیلوں کے منصوبے مکمل کریں گے۔
واضح رہے کہ کراچی کے بیشتر علاقوں میں میدانوں پر قبضہ مافیا کا راج ہے یا پھر گراؤنڈ ابتر صورت حال کے باعث کچرا کنڈی کا ڈھیر بن گئے ہیں۔
پی ٹی آئی رکن اسمبلی عالمگیر خان کے اقدام کو گلشن اقبال کے نوجوان کرکٹرز کی جانب سے بھی سراہا جارہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں