The news is by your side.

Advertisement

شاہد آفریدی کوایک روزہ میچ کھیلتے ہوئے20 سال ہوگئے

کراچی : 2 اکتوبر1996 کو کینیا کے خلاف اپنا پہلا ایک روزہ میچ کھیلنے والے شاہد آفریدی کا ون ڈے کیریئر 20 سال پر محیط ہو گیا ہے۔

بوم بوم آفریدی کے نام سے مشہور شاہد خان آفریدی نے اپنا ون ڈے ڈیبیو کینیا کے خلاف آج سے بیس سال آج ہی کی تاریخ میں 1996 کو کیا تھا،آیے شاہد آفریدی کے پلک جھپکتے 20 سالہ ون ڈے کیریئرپر ایک نظرڈالتے ہیں۔

afridi-post-2

                          شاہد آفریدی بطور بلے باز 

شاہد آفریدی نے گزشتہ بیس سالوں میں اب تک 398 ایک روزہ میچ کھیلے جن میں 23.57 کی اوسط سے 8064 رنز بنائے جس میں 6 سینچریاں اور 39 نصف سینچریاں شامل ہیں جب کہ ایک روزہ میچ میں ایک اننگ میں زیادہ سے زیادہ اسکور 124 ہے۔

afridi-post-3

شاہد آفریدی بطور باؤلر

لیگ اسپینرمشاق احمد کی جگہ قومی ٹیم میں بطوراسپینرشامل ہونے والے شاہد آفریدی نے ایک روزہ میچوں میں 395 وکٹیں لی ہیں جس میں 9 مرتبہ پانچ یا پانچ سے زائد وکٹیں لی ہیں جب کہ بہترین باولنگ 12 رنز کے عوض 7 وکٹیں ہیں۔

afridi-post-1

شاہد آفریدی بطور فیلڈر

باولنگ اور بیٹنگ کے شعبے میں اپنی دھاک بیٹھانے والے شاہد خان آفریدی فیلڈنگ کے شعبے میں کافی مستعد اور متحرک نظرآتے ہیں انہوں نے اپنے ون ڈے کیریر میں 127 کیچز بھی پکڑے۔

شاہد آفریدی بطور کپتان

شاہد خان آفریدی نے کئی میچوں میں تن تنہا پاکستانی ٹیم کو جیت دلوائی ہے اور بطور کپتان شاہد آفریدی پاکستان کی ٹی ٹوینٹی میچوں میں اپنے عروج پر پہنچایا اور ون ڈے میچوں میں ان کی ملک کے لیے گراں قدر خدمات قابل ستائش ہیں۔

afridi-post-4

شاہد آفریدی کے دیگر اعزازات

شاہد آفریدی نے اپنے پہلے ہی اننگ میں ایک روزہ میچ کی تیزترین سینچری بنانے کا اعزازحاصل کیا یہ ریکارڈ انہوں نے سری لنکا کے خلاف صرف 37 گیندوں پر سینچری مکمل کر کے بنایا اور یہ اعزازانہوں نے صرف سولہ سال کی عمر میں حاصل کیا۔

ایک روزہ میچوں میں سب سے زیادہ چھکے مارنے والے شاہد آفریدی جے سوریا کے بعد دوسرے آل راؤنڈر ہیں جنہوں نے 6 ہزار سے زیادہ رنز اور 300 سے زائد وکٹیں حاصل کیں ہیں۔

واضح رہے شاہد خان آفریدی کے مداحین میں بھارتی کھلاری بھی شامل ہیں یہی وجہ ہے انہیں سب سے پہلے بوم بوم آفریدی کا لقب بھی بھارتی سابق ٹیسٹ کرکٹر اور موجودہ کمنٹیٹر روی شاستری نے دیا۔

Comments

comments

یہ بھی پڑھیں