تھرپارکر: قومی کرکٹ ٹیم کے سابق کپتان شاہد خان آفریدی نے کہا ہے کہ تھر سے مجھے بہت پیار ہے، تھرپارکر میں بچوں کے لیے اسپتال قائم کرنے کا اعلان کیا ہے۔
ان خیالات کا اظہار انہوں نے تھرپارکر میں منعقدہ تقریب سے خطاب کرتے ہوئے کیا، شاہد آفریدی نے کہا کہ تھر کی دکھی اور مشکل حالات دیکھ کر کام کرنے کا احساس ہوا، تھر اور شاہد آفریدی فاؤنڈیشن مل کر 250 بیڈ پر مشتمل اسپتال بنائیں گے۔
شاہد خان آفریدی نے اسپتال بنانے کے لیے امدادی چیک دیتے ہوئے کہا کہ بلاول آپ بے نظیر بھٹو کے بیٹے ہیں، غریب خواتین کی نظریں آپ پر لگی ہوئی ہیں، پیپلزپارٹی میری جماعت ہے مل کر فلاحی کام کرنا چاہتا ہوں۔
انہوں نے کہا کہ بلاول بھٹو کراچی آپ کا شہر ہے جس کی حالت بہتر ہے، ٹیکنیکل طریقے سے کراچی کو آگے لے جانے کی کوشش کریں، شہر قائد کے لیے بلاول بھٹو کو ٹیکنیکل ماہرین ٹیم میں شامل کرنا ہوں گے۔
With a hope to make a difference, I feel honored to come to #Thar with a hope to bring a change in lives of all. @SAFoundationN, #Engro & #TharFoundation will be working together for hospital, education & sports facilities to give a renewed hope to Humanity #HopeNotOut #SAFcares pic.twitter.com/Cy0Oi9jSJD
— Shahid Afridi (@SAfridiOfficial) April 11, 2018
قبل ازیں شاہد آفریدی نے تھر پہنچنے پر سوشل میڈیا ویب سائٹ ٹویٹر پر اپنے پیغام میں کہا تھا کہ تھر آکر بہت اچھا محسوس کررہا ہوں، تھر کے لوگوں کی زندگیوں میں انقلابی تبدیلیاں لائیں گے، تھر میں اسپتال کے قیام کے ساتھ ساتھ تعلیم اور کھیلوں کے مواقع بھی فراہم کریں گے۔
