fata چیئرمین سینیٹ کیلئے جوڑتوڑ: وزیراعظم کی فاٹا اراکین سے ملاقات senators
The news is by your side.

Advertisement

چیئرمین سینیٹ کیلئے جوڑتوڑ: وزیراعظم کی فاٹا اراکین سے ملاقات

اسلام آباد : وزیر اعظم شاہد خاقان عباسی نے فاٹا کے اراکین سے سینیٹ چیئرمین کے انتخاب کیلئے تعاون کی درخواست کردی، فاٹا سینیٹرز نے ڈپٹی چیئرمین کا امیدوار فاٹا سے لینے کا مطالبہ کردیا۔

تفصیلات کے مطابق وزیر اعظم شاہد خاقان عباسی نے چیئرمین سینیٹ کے عہدے پر پارٹی پوزیشن مضبوط کرنے کیلئے خود میدان میں اترنے کا فیصلہ کیا ہے۔

وزیر اعظم نے فاٹا کے سینیٹ کے آزاد ارکان سے رابطہ کرکے انہیں مدعو کیا، وزیر اعظم سے ملاقات کے اس موقع پر فاٹا سینیٹرز نے شکایات کے انبار لگا دیئے، وزیر اعظم نے سینیٹ اراکین سے چیئرمین سینیٹ کیلئے تعاون کی درخواست کی۔

جواب میں فاٹا سینیٹرز نے ڈپٹی چیئرمین سینیٹ کا امیدوارفاٹا سے لینے کا مطالبہ کیا، وزیر اعظم کا کہنا تھا کہ ڈپٹی چیئرمین کی تجویز پارٹی کے سامنے رکھوں گا۔

ذرائع کے مطابق وفد نے وفاق کی جانب سے وعدے پورے نہ کرنے اور فاٹا فنڈز کے عدم استعمال کی شکایت کی، وزیر اعظم نے فاٹا سینیٹرز کو تحفظات دور کرنے کی یقین دہانی کرادی۔

فاٹا سینیٹرز نے نقیب اللہ محسود کے قتل کا معاملہ بھی وزیراعظم کے سامنے اٹھایا جس پر انہوں نے راؤ انور کی جلد گرفتاری کی یقین دہانی بھی کروائی۔

ملاقات کے موقع پر وزیراعظم نے ہدایات جاری کیں کہ فاٹا کیلئے مختص فنڈز کے بروقت استعمال کو یقینی بنایا جائے، انہوں نے فاٹا ایجنسیز کو گیس کی فراہمی کیلئے فوری سروے کی ہدایت بھی جاری کی،ان کا کہنا تھا کہ فاٹا کے بعد 650 اسکولوں کو اساتذہ کی بھرتیاں کرکے جلد کھولا جائے گا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں