The news is by your side.

Advertisement

سندھ میں گورنر راج لگا کردیکھ لیں پورا ملک جام ہوجائے گا، شاہد خاقان عباسی کی دھمکی

اسلام آباد : سابق وزیر اعظم شاہد خاقان عباسی نے دھمکی دی ہے کہ سندھ میں گورنر راج لگا کردیکھ لیں پورا ملک جام ہوجائے گا۔

تفصیلات کے مطابق سابق وزیر اعظم شاہد خاقان عباسی نے احتساب عدالت کے باہر میڈیا سے گفتگوکرتے ہوئے کہا کہ نیب کا تماشہ پہلے ہی چل رہا تھا، اب نیا تماشہ شروع ہے حکمرانوں کو آئین و قانون کی پرواہ نہیں اقتدار بچانے کے لئے ہر ہتھکنڈا اپنایا جارہا۔

شاہد خاقان عباسی کا کہنا تھا کہ کچھ بھی کرلیں اقتدار بچنے والا نہیں چوری شدہ الیکشن سے آنے والی حکومت نے عوام کے حالت بد سے بد ترین کردی وزیر اعظم دھمکا رہا کہ پارلیمان میں نہیں جانے دون گا پارلیمان جائیں گے اور آئینی طریقے سے ووٹ دیں گے۔

سابق وزیر اعظم نے مزید کہا کہ سندھ کو دھمکی دی کہ گورنر راج لگانے کی ، گورنر راج لگا کردیکھ لیں پورا ملک جام ہوجائے گا، گورنر راج لگانا تو پنجاب میں لگائیں۔

ان کا کہنا تھا کہ اسلام آباد میں بیس سے زائد اراکین نے عمران خان کے خلاف بیان دیا، حکومت کے پاس کوئی اخلاقی جواز نہیں بچا۔

شاہد خاقان عباسی نے کہا کہ چاہتے ہیں شفاف الیکشن ہوں اور عوام کو اپنے نمائندے چننے دیں اسپیکر بھی جان لیں وہ آئین سے بالاتر نہیں جمہوریت توڑنے پر آرٹیکل چھ لگتا ہے۔

سابق وزیر اعظم کا مزید کہنا تھا کہ حکومت اس وقت ایک ارب دینے کو تیار ہیں ایسی کوئی مثال نہیں کہ اپوزیشن نے اراکین کو پیسے دیئے ہوں۔

Comments

یہ بھی پڑھیں