The news is by your side.

Advertisement

وزیر اعظم شاہد خاقان عباسی نے ملک کی ترقی کراچی کی ترقی سے مشروط قرار دے دی

کراچی: وزیر اعظم شاہد خاقان عباسی نے ملک کی ترقی کراچی کی ترقی سے مشروط قرار دیتے ہوئے کہا کہ کراچی ترقی کرے گا تو پاکستان ترقی کرے گا۔

تفصیلات کے مطابق شاہد خاقان عباسی کراچی میں دارالصحت اسپتال کی تقریب سے خطاب کر رہے تھے، انھوں نے کہا کہ کراچی میں امن ہوتا ہے تو پورے ملک میں امن ہوتا ہے۔

کراچی کی معاشی اہمیت کو مدنظر رکھتے ہوئے وزیر اعظم کا کہنا تھا کہ کوئی بھی حکومت کراچی جیسے اہم شہر کو نظرانداز نہیں کرسکتی۔ اعتراف کرتے ہوئے کہا کہ یہاں بہت سے رفاہی ادارے عوام کی خدمت میں مگن ہیں۔

انھوں اپنے خطاب میں کہا کہ حکومت صحت کی بہترین سہولتیں فراہم کرنے کے لیے اقدامات کر رہی ہے تاہم عوام کوصحت کی معیاری سہولتوں کی فراہمی سب کی مشترکہ ذمہ داری ہے۔

وزیر اعظم نے ن لیگ کی حکومت کے حالیہ اور آخری بجٹ کا حوالہ دیتے ہوئے کہا کہ حکومت نے بجٹ میں بہت سے شعبوں میں ٹیکس کی چھوٹ دی ہے، بجٹ میں کراچی کے لیے خصوصی پیکج دیا گیا ہے، حکومت نے اپنا کام کر دیا ہے اب عوام نے الیکشن میں فیصلہ کرنا ہے۔

شہر میں بجلی کا بحران: وزیر اعظم شاہد خاقان عباسی کراچی پہنچ گئے

واضح رہے کہ موجودہ حکومت کی مدت تیس مئی کو ختم ہورہی ہے جب کہ اس نے گزشتہ روز پورے سال کے لیے بجٹ پیش کردیا ہے، جس پر تمام سیاسی جماعتوں‌ کی طرف سے احتجاج کیا گیا اور سیاسی رہنماؤں نے اسے اگلی حکومت کے حق پر ڈاکا ڈالنا قرار دیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں