تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اثاثوں پر سمجھوتہ نہیں ہوسکتا اگر کسی نے کہا ہے تو اسے سامنے لانا چاہئے، شاہد خاقان

اسلام آباد: مسلم لیگ (ن) کے سینئر رہنما اور سابق وزیراعظم شاہد خاقان عباسی نے کہا ہے کہ اثاثوں پر سمجھوتہ نہیں ہوسکتا اگر کسی نے کہا ہے تو اسے سامنے لانا چاہئے۔

اسلام آباد میں میڈیا سے گفتگو کرتے ہوئے شاہد خاقان عباسی نے کہا کہ اسحاق ڈار نے کوئی ایسی بات کی تو ان کیمرہ سیشن بلا کر حقائق عوام کو بتائیں، یہ بات بہت تشویشناک ہے دنیا کے سامنے رکھنی چاہئے۔

شاہد خاقان عباسی کا کہنا تھا کہ ہر ملک اپنے اثاثوں اور ملکی مفادکا تحفظ کرتے ہیں، ہمارے ایٹمی اثاثے ہماری سالمیت کا اہم جز ہے، ان اثاثوں پر سمجھوتہ نہیں ہوسکتا اگر کسی نے کہا ہے تو اسے سامنے لانا چاہئے۔

سابق وزیر اعظم نے کہا کہ 15 سالوں نے عدالتوں میں کیس چل رہے ہیں کوئی انصاف نہیں ملتا یہاں لوگ سالوں سے جیلوں میں بیٹھے ہیں کوئی پوچھنے والا نہیں ہے، ہم نے چیئرمین نیب سے کہا سیاستدانوں کو ایک طرف کردیں کیس سنیں نا سنیں آپکی مرضی ہے۔

انہوں نے کہا کہ ملک میں انصاف کے نظام کی بات کرتے ہیں تو انصاف ہوتا ہوا نظر بھی آنا چاہئے، ہم توکہتے ہیں عدالتوں میں کیمرے لگائیں تا کہ عوام کو پتا چلے کیا ہو رہا ہے، لوگ سالوں سے عدالتوں میں گھوم رہے ہیں کیسز کا کوئی حل نہیں نکلتا ہے۔

ن لیگ کے سینئر رہنما نے کہا کہ عمران خان کو سیاست کرنےکیلئے کوئی لاش چاہئے جو حکومت دینا نہیں چاہتی، ایک شخص اپنی گرفتاری سے بچنے کیلئے گھر میں چھپ کر بیٹھا ہوا ہے، عمران خان ہمت کرے گرفتاری  دے 3،2 دن میں ضمانت مل جائےگی۔

شاہدخاقان کا کہنا تھا کہ وارنٹ عدالت نے جاری کیے، اس لیے پیش ہونا لازم ہے، اور عمران تو وہ آدمی ہے جو  خود دعویٰ کرتے رہے کہ میں نے فلاں کو گرفتار کیا، سابقہ وزیر اعظم عدالتوں کی پرواہ نہیں کرے گا توکل کوکوئی بھی نہیں کرےگا۔

Comments

- Advertisement -