site
stats
پاکستان

وزیراعظم سے عالمی اقتصادی فورم کے چیئرمین کی ملاقات

نیویارک: وزیراعظم شاہد خاقان عباسی سے عالمی اقتصادی فورم کے چیئرمین کلاؤس شواب نے ملاقات کی اور کہا کہ پاکستانی معیشت میں حالیہ بہتری متاثر کن ہے۔

تفصیلات کے مطابق نیویارک میں جنرل اسمبلی اجلاس کے موقع پر ہونے والی ملاقات میں دونوں رہنماؤں نے رابطے برقرار رکھنے اورتعاون جاری رکھنے پر اتفاق کیا۔

اس موقع پر وزیراعظم شاہد خاقان عباسی نے کہا کہ سی پیک نے پاکستان میں سرمایہ کاری کے بے پناہ مواقع پیدا کئے، مغربی ملکوں سے سرمایہ کاری کے اضافی ذرائع کے خواہاں ہیں۔

انہوں نے کہا کہ حکومت سرکاری ونجی شعبوں کی ترقی پربھرپور توجہ دے رہی ہے، ورلڈ اکنامک فورم کے سربراہ کلاؤس شواب کا اپنی گفتگو میں کہنا تھا کہ پاکستانی معیشت میں حالیہ بہتری متاثرکن ہے۔


مزید پڑھیں: پاکستان کے پاس ٹیکٹیکل جوہری ہتھیارنہیں‘ شاہد خاقان عباسی


کلاؤس شواب نے وزیر اعظم کو صحت، انفارمیشن ٹیکنالوجی اور سائبرسکیورٹی کے شعبوں میں تعاون کی پیشکش کی جسے وزیر اعظم نے خوش دلی سے قبول کیا، کلاؤس شواب نے کہا کہ سیاسی استحکام سے عالمی تاجر برادری کا پاکستان پراعتماد بحال ہوا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top