The news is by your side.

Advertisement

ایل این جی کوٹہ کیس : شاہد خاقان عباسی کے جسمانی ریمانڈ میں 15 اگست تک توسیع

اسلام آباد : احتساب عدالت میں ایل این جی اسکینڈل میں گرفتار  مسلم لیگ ن کے رہنما اور سابق وزیراعظم  شاہدخاقان عباسی کے جسمانی ریمانڈ میں15اگست تک توسیع کردی، شاہد خاقان نے کہا  جتناجسمانی ریمانڈآپ دینا چاہتے ہیں دے دیں۔

تفصیلات کے مطابق اسلام آباد کی احتساب عدالت میں ایل این جی کوٹہ کیس کی سماعت ہوئی ، احتساب عدالت کے جج محمد بشیر نے سماعت کی۔

مسلم لیگ ن کے رہنما اور سابق وزیراعظم شاہد خاقان عباسی کو 13روز کا جسمانی ریمانڈمکمل ہونے پر جج محمد بشیر کے روبرو پیش کیا گیا، نیب کی جانب سے مزید تفتیش کے لئے جسمانی ریمانڈ میں توسیع کی استدعا کی گئی۔

عدالت نے ایل این جی اسکینڈل میں گرفتار شاہدخاقان عباسی کےجسمانی ریمانڈمیں15اگست تک توسیع کردی ، نیب پراسیکیوٹر نے کہا 5 اگست کو عید کی چھٹی ہے، جس پر جج محمد بشیر کا کہنا تھا کہ کوئی بات نہیں ہم چٹھی کے دن سماعت کر لیتے ہیں۔

مزید پڑھیں : نیب نے سابق وزیر اعظم شاہد خاقان عباسی کو گرفتار کرلیا

شاہد خاقان عباسی نے نے کہا جتناجسمانی ریمانڈآپ دینا چاہتے ہیں دےدیں، جس پر حج محمدبشیر کا کہنا تھا کہ آپ وکیل کر لیں جو جسمانی ریمانڈ کی مخالفت کرسکے۔

یاد رہے 18 جولائی کو قومی احتساب بیورو (نیب) نے مسلم لیگ ن کے رہنما اور سابق وزیراعظم شاہد خاقان عباسی کو گرفتار کیا تھا۔ نیب نے شاہد خاقان عباسی کو ایل این جی کیس میں طلب کر رکھا تھا لیکن انہوں نے نیب میں پیش نہ ہونے کا فیصلہ کیا تھا۔

بعد ازاں احتساب عدالت نے ایل این جی کیس میں گرفتار مسلم لیگ ن کے رہنما و سابق وزیراعظم شاہد خاقان عباسی کو 13 روزہ جسمانی ریمانڈ پر نیب کے حوالے کردیا تھا۔

Comments

comments

یہ بھی پڑھیں