site
stats
پاکستان

پاک قطر گیس معاہدہ جاری رہے گا، شاہد خاقان عباسی

اسلام آباد : وفاقی وزیر پیٹرولیم اور قدرتی وسائل شاہد خاقان عباسی نے کہا ہے کہ قطر اورعرب ممالک کے درمیان حالیہ تنازعے کے باوجود پاک قطر گیس معاہدہ جاری رہے گا۔

وفاقی وزیر برائے پیٹرولیم اور قدرتی وسائل شاہد خاقان عباسی نے کہا ہے پاکستان اور قطر کے درمیان ایک سال قبل ہونے والے ایک بلین ڈالر کا معاہدہ طے پایا تھا جس کے تحت قطر پاکستان کو 2016 سے 2031 تک گیس (ایل این جی) فراہم کرے گا۔

انہوں نے کہا کہ سعودی عرب سمیت دیگرعرب ممالک کا قطر کے ساتھ تنازع اور سفارتی تعلقات ختم کرنے سے پاک قطر معاہدے پر کوئی اثر نہیں پڑے گا اور یہ معاہدہ اپنی اصل روح کے مطابق برقرار رہے گا۔

وفاقی وزیر کا مزید کہنا تھا کہ اقوام متحدہ سمیت کوئی بھی پاک قطر معاہدے کو ختم یا معطل نہیں کراسکتا کیوں کہ یہ دو ممالک کا باہمی اور نجی تجارتی معاہدہ ہے جس پہ کسی کو اعتراض نہیں ہونا چاہیے۔

خیال رہے سعودی عرب سمیت 8 ممالک نے قطر سے سفارتی تعلقات منقطع کرکے اپنی سرحدیں قطر کے لیے بند کردی ہیں اور اپنے ملک سے قطری شہریوں کو نکل جانے کے لیے 15 دن کا وقت دے دیا ہے۔

قطر چونکہ قدرتی وسائل بالخصوص گیس سے مالا مال ہے اس لیے کئی ممالک کو گیس فراہمی کا واحد زریعہ بھی ہے انہی مالک میں پاکستان بھی شامل ہے جس کے جہاں سعودی عرب کے ساتھ بھی دیرینہ تعلقات ہیں وہیں قطر کے ساتھ بھی گزشتہ برس گیس کی خرید سے متعلق معاہدہ طے پایا ہے۔

دیکھنا یہ ہے کہ سعودی عرب اور دیگر عرب ممالک کے قطر سے کشیدہ تعلقات مزید کیا رخ اختیار کرتے ہیں اور مشرق وسطیٰ کی اس سرد جنگ کا خطے میں کیا اثرات مرتب ہوتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top