site
stats
پاکستان

ن لیگ کے نامزد وزیراعظم شاہدخاقان عباسی نے کاغذات نامزدگی جمع کرادیئے

pm

اسلام آباد : ن لیگ کے نامزد وزیراعظم شاہد خاقان عباسی نے کاغذات نامزدگی جمع کرا دیئے ، انکا کہنا ہے کہ شیخ رشید ریفرنس دائر کرنے کا شوق پورا کرلیں، وہ مجھے اورمیں انہیں اچھی طرح جانتا ہوں۔

تفصیلات کے مطابق ن لیگ کے نامزد وزیراعظم شاہد خاقان عباسی پارلیمنٹ ہاؤس پہنچے اور کاغذات نامزدگی جمع کرائے،پارلیمنٹ ہاؤس کے باہر غیر رسمی بات چیت کرتے ہوئے شاہدخاقان عباسی کا کہنا تھا کہ شیخ رشید ریفرنس دائر کرنے کا شوق پورا کرلیں، شیخ رشید مجھے اور میں انہیں اچھی طرح جانتا ہوں۔

شاہدخاقان عباسی کا کہنا تھا کہ شیخ رشید اور میں ایک ہی شہرمیں رہتے ہیں اور ایک پارٹی میں بھی رہے، کابینہ کا فیصلہ ابھی نہیں ہوا آج مشاورت ہوگی، اسپیکر کی مہربانی مجھے آج کمرہ دے دیا ورنہ سڑک پر کھڑا ہونا پڑتا۔

انھوں نے کہا کہ صورتحال سامنے ہے، فیصلہ کس نے قبول کیا اور کس نے نہیں کیا، وزارت عظمیٰ کے الیکشن میں بھرپور کامیابی حاصل کریں گے ، گزشتہ جمعہ تک جو پالیسیاں تھیں وہی جاری رہیں گی اور عوام کی توقعات پر پورا اترنے کی کوشش کریں گے۔


مزید پڑھیں : شاہد خاقان عباسی عبوری اور شہباز شریف مستقل وزیراعظم نامزد


یاد رہے کہ نواز شریف کی نا اہلی کے بعد مسلم لیگ ن کی جانب سے شاہد خاقان عباسی کو عبوری وزیر اعظم جبکہ شہبازشریف کو مستقل وزیراعظم بنانے کا فیصلہ کیا تھا۔

میڈیا رپورٹس کے مطابق شاہد خاقان عباسی کو 45دنوں کے لیے وزیر اعظم بنایا جائے گا، جس کے بعد مستقل طور پر شہباز شریف کو وزیر اعظم بنایا جائے گا۔

واضح رہے کہ پاناما کیس میں سپریم کورٹ نے نوازشریف کو نااہل قرار دیا تھا اور نواز شریف ، حسن، حسین، مریم نواز، کیپٹن صفدر اور اسحاق ڈار کے خلاف نیب میں ریفرنس بھیجنے اور چھ ماہ میں فیصلہ کرنے کا حکم دیا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top