کراچی : اداکارہ اشنا شاہ، احمد علی بٹ اور آغا علی سمیت متعدد شخصیات نے شہروز سبزواری اور صدف کنول کی شادی پر تنقید کرنے والوں کو آڑے ہاتھوں لےلیا۔
شوبز کے نوبیاہتا جوڑے شہروز اور صدف سے متعلق سوشل میڈیا پر مسلسل بحث جاری ہے اور صارفین کی جانب سے صدف کنول کو سائرہ اور شہروز کی طلاق کی وجہ قرار دیا جا رہا ہے تو دوسری جانب صارفین سائرہ یوسف سے اظہار ہمدردی کررہے ہیں۔
شادی کے بعد سے شہروز اور صدف ٹوئٹر پر ٹاپ ٹرینڈ بنے ہوئے ہیں اور ان پر تنقید و الزامات کا سلسلہ ابھی تک جاری ہے تاہم کچھ صارفین اور اداکاروں کی جانب سے ان کی حمایت میں بھی آواز بلند کی گئی ہے۔
اس ضمن میں اداکارہ اشنا شاہ بھی چپ نہ رہ سکیں اور انہوں نے سوشل میڈیا پر جاری بحث پر اپنے ٹوئٹ کے ذریعے برہمی کا اظہار کیا۔
Trolling the father of her child was not a service to an ex wife. What good did bullying the wife & reducing the husband to make videos defending his personal matter do? It belittled our industry. Imagine the toll this took on 3 families, that too during a pandemic. Shame!
— Ushna Shah (@ushnashah) June 1, 2020
اشنا شاہ کا کہنا تھا کہ ایک بچی کے والد کو اس طرح تنقید کا نشانہ بنانا سابقہ بیوی کی خدمت نہیں ہے اور اس طرح شوہر اور بیوی سے بدتمیزی کا کیا فائدہ؟ کہ شوہر اپنے دفاع میں ویڈیو بنانے پر مجبور ہوجائے۔ اس چیز نے ہماری انڈسٹری کو بہت نقصان پہنچایا ہے۔
اداکارہ اشنا نے کہا کہ ’تصور کریں کہ اس وبائی صورتحال کے دوران نوبیاہتا جوڑے پر تنقید نے تین خاندانوں کو متاثر کیا ہے۔
دوسری جانب اداکار احمد علی بٹ نے بھی لوگوں سے گزارش کی ہے وہ کسی کی نجی زندگی پر تبصری کرنے سے گریز کریں اور دوسروں کی نجی زندگی عزت کریں۔
انہوں نے شہروز اور صدف پر ہونے والی آن لائن تنقید پر اپنے خیالات کا اظہار کرتے ہوئے کہا کہ ’ہمارے تبصروں اور دوسروں کی نجی زندگیوں میں دخل اندازیوں سے اس دنیا پر کوئی فرق نہیں پڑتا، دوسروں پر انگلی اٹھانے سے پہلے ہمیں خود اچھے کردار کا حامل ہونا پڑے گا‘۔
اداکار آغا علی نے بھی شہروز اور صدف کی حمایت میں اپنے خیالات کا اظہار کرتے ہوئے کہا کہ ’لوگ شوہر اور بیوی کے رشتے پر سوالات کیوں اٹھا رہے ہیں جبکہ یہ رشتہ اللہ کو پسند ہے‘۔
