site
stats
پاکستان

شاہ زیب قتل کیس، شاہ رخ جتوئی جناح اسپتال منتقل

Shahzeb murder case

کراچی: شاہ زیب قتل کیس کے مرکزی ملزم شاہ رخ جتوئی کو سینٹرل جیل سے جناح اسپتال کے خصوصی وارڈ منتقل کردیا گیا۔

تفصیلات کے مطابق چند روز قبل سندھ ہائی کورٹ کے حکم پر رہائی پانے والے شاہ رخ جتوئی نے ماضی میں بھی دورانِ قید زیادہ وقت جناح اسپتال میں گزارا جہاں اُن کے لیے علیحدہ کمرہ اور خصوصی انتظامات کیے گئے تھے۔

سندھ ہائی کورٹ شاہ نے گزشتہ دنوں شاہ زیب قتل کیس کا فیصلہ سناتے ہوئے مرکزی ملزم سمیت تمام گرفتار افراد کو ضمانت پر رہا کرنے کا حکم دیا تھا جس پر سول سوسائٹی نے ہائی کورٹ کے فیصلے کے خلاف سپریم کورٹ میں درخواست دائر کی۔

چیف جسٹس آف پاکستان نے درخواست کو سماعت کے لیے منظور کرتے ہوئے تین رکنی بینچ تشکیل دیا اور گزشتہ سماعت پر ملزمان کے نام ای سی ایل میں ڈالنے کے ساتھ انہیں دوبارہ حراست میں لینے کا حکم دیا تھا۔

مزید پڑھیں: شاہ زیب قتل کیس: شاہ رخ جتوئی ودیگرملزمان کےنام ای سی ایل میں شامل

شاہ رخ جتوئی کو گرفتار کر کے کراچی کے سینٹرل جیل منتقل کیا گیا جہاں انہوں نے صرف دو روز ہی گزارے تھے کہ اچانک اُن کی کمر میں درد کی شکایت ہوئی جس پر جیل انتظامیہ نے انہیں جناح اسپتال کے خصوصی وارڈ منتقل کیا۔

ذرائع کے مطابق ملزم کے مختلف ٹیسٹ کیے جائیں گے اور اُن کی رپورٹس کے بعد جیل منتقل کرنے یا زیرعلاج رکھنے کا فیصلہ کیا جائے گا۔

واضح رہے کہ سندھ ہائیکورٹ نے اپنے فیصلے سے دہشت گردی کی دفعات ختم کرکے ماتحت عدالت کا فیصلہ کالعدم قرار دیا تھا، سندھ ہائیکورٹ نے سزا کو کالعدم قرار دیتے ہوئے مقدمہ ازسر نو سماعت کے لیے سیشن جج جنوبی کی عدالت کو منتقل کیا تھا۔

یہ بھی پڑھیں: شاہ زیب قتل کیس: سپریم کورٹ کا تحریری فیصلہ، ملزمان کے وارنٹ جاری

یاد رہے کہ سیشن جج جنوبی نے گذشتہ دنوں مقدمے کے نامزد ملزمان شاہ رخ جتوئی ، سراج تالپور ، سجاد تالپور اور غلام مرتضی لاشاری کی ضمانت پانچ پانچ لاکھ کے عوض منظور کی تھی۔ جس پر تمام ملزمان کو رہا کر دیا گیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top