بالی ووڈ کے بادشاہ شاہ رخ خان کی نئی آنے والی فلم ’ڈنکی‘ کا پہلا گانا ریلیز ہوتے ہی مقبول ہوگیا۔
بھارتی میڈیا رپورٹس کے مطابق کنگ خان اور تاپسی پنوں کی فلم ’ڈنکی‘ کے پروڈیوسرز راج کمار ہیرانی اور گوری خان ہیں جبکہ فلم 21 دسمبر کو سنیما گھروں کی زینت بنے گی۔
’ڈنکی‘ ایک کامیڈی ڈراما ہے جس میں غیرقانونی طور پر بیرون ملک جانے والے مسئلے کو موضوع بنایا گیا ہے۔
فلم کی ریلیز سے ایک ماہ قبل فلمساز راجکمار ہیرانی نے فلم کا پہلا گانا “لُٹ پُٹ گیا” ریلیز کردیا ہے جس کی موسیقی پریتم کی ہے جبکہ یہ گانا معروف بالی ووڈ گلوکار ارجیت سنگھ نے گایا ہے۔
شاہ رخ خان نے سماجی رابطے کی ویب سائٹ ایکس (سابق ٹوئٹر) پر ڈنکی کے گانے “لُٹ پُٹ گیا” کی ویڈیو کلپ پوسٹ کی جس میں اُنہیں پُرجوش انداز میں ڈانس کرتے ہوئے دِکھایا گیا ہے۔
Agar dance mein isse zyaada chhalaang lagata toh udd hi jaata. I hope ki yeh romance @taapsee aur aapke dilon mein bhi zaroor tent lagayega. @arijitsingh, your voice made me sound like love, yet again. Cheers to @ipritamofficial, @swanandkirkire, #IPSingh and @Acharya1Ganesh for… pic.twitter.com/kb9RsqXIUU
— Shah Rukh Khan (@iamsrk) November 22, 2023
اُنہوں نے مزاحیہ انداز میں کہا کہ “اگر اس سے زیادہ چھلانگ لگاتا تو اُڑ ہی جاتا، اُمید ہے آپ کو یہ رومانس اور گانا بہت پسند آئے گا”۔
2023 واضح رہے کہ شاہ رخ خان کی بالی وڈ پر حکمرانی کا سال رہا اور لگاتار دو فلموں ’پٹھان‘ اور ’جوان‘ نے باکس آفس پر نئے ریکارڈ قائم کیے، ’پٹھان‘ اور ’جوان‘ کی شاندار کامیابی کے بعد اب اُن کی تیسری فلم “ڈنکی” کی ریلیز کی تیاریاں زور و شور سے جاری ہیں اور اداکار کے مداح بھی بےصبری سے اس فلم کی ریلیز کا انتظار کررہے ہیں۔
