کراچی : نوجوان شاہ رخ کے قتل میں ملوث ہلاک ملزم فرزند کے ساتھی کو گرفتار کرلیا گیا، فرزند نے ساتھی کو رکشہ سوار خواتین کو لوٹنے سے پہلے اتاردیا تھا۔
تفصیلات کے مطابق کراچی میں شاہ رخ کیس کے قاتل کی خودکشی کیس میں پولیس نے ہلاک ملزم فرزند کے ساتھی کو بھی گرفتار کرلیا ، ملزم بھی وارادات کے وقت فرزند کے ساتھ تھا، فرزند نے ساتھی کو رکشہ سوار خواتین کو لوٹنے سے پہلے اتاردیا تھا۔
دوسری جانب خودکشی سے قبل کی سی سی ٹی وی ویڈیوسامنے آگئی ، جس میں دیکھا جا سکتا ہے کہ ملزم نے پہلے پستول اہلکاروں پر تان لی پھردور بھا گ کر خوکشی کرلی۔
یاد رہے گذشتہ روز کشمیرروڈ پر نوجوان شاہ رخ کے مبینہ قاتل نے خودکشی کرلی تھی ، رات گئے پولیس نے دعویٰ کیا تھا کہ گرفتاری کیلئے جانے والی پولیس کی ٹیم کو دیکھ ملزم نے خود کو گولی مار لی تھی۔
خیال رہے گزشتہ ہفتے کراچی کے علاقے کشمیر روڈ پر ڈکیتی مزاحمت پر نوجوان شاہ رخ کو ماں اور بہن کے سامنے گولی مار کر قتل کردیا تھا۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔