site
stats
انٹرٹینمںٹ

انشاء اللہ! آپ جلد صحت یاب ہوں‌ گی پھرملیں گے، شاہ رخ کی یقین دہانی

ممبئی: بالی ووڈ اداکار شاہ رخ خان نے کینسر کے مرض میں مبتلاء خاتون مداح سے ملاقات کی رضا مندی ظاہر کر کے لاکھوں لوگوں کے دل جیت لیے۔

تفصیلات کے مطابق بھارتی خاتون ارونا جو گزشتہ 6 برس سے کینسر کے مرض میں مبتلاء ہیں انہوں نے مارچ میں سماجی رابطے کی ویب سائٹ پر ایک ٹوئٹ کے ذریعے شاہ رخ خان سے ملاقات کی خواہش کا اظہار کیا تھا۔

ارونا کی خواہش کو دیکھتے ہوئے سماجی رابطے کی ویب سائٹ پر متحرک ہوئے اور انہوں نے ہیش ٹیگ SRKmeetsAruna# کنگ خان سے اپیل کی کہ آپ کی مداح کے پاس بہت کم وقت ہے لہذا اُن سے ملاقات کر کے خواہش پوری کردیں۔

واضح رہے کہ ارونا نے اپنے ایک ٹوئٹ میں لکھا تھا کہ وہ خود ڈاکٹر ہیں اور بیماری میں میرے دوست احباب میرے ساتھ ہیں مگر میری سب سے بڑی طاقت شاہ رخ خان ہیں اور وہ خود بھی نہیں جانتے۔

پڑھیں: کنگ خان سے ملاقات کی خواہش، سوشل میڈیا صارفین کینسر مریضہ کی آواز بن گئے

ارونا کی خواہش اور مداحوں کی مسلسل درخواست پر شاہ رخ خان نے کینسر کی مریضہ کے لیے ایک ویڈیو پیغام جاری کیا جس میں انہوں نے خاتون کی عزم و ہمت کو سراہتے ہوئے کہا کہ مجھے آپ کی بیماری کے بارے میں آپ کے بچوں پریانکا اور آکاش کے ذریعے ہی معلوم ہوا، ہم سب آپ کی جلد صحت یابی کے لیے دعا کررہے ہیں۔

کنگ خان نے کہا کہ آپ کے حوصلے کو دیکھتے ہوئے میں یہ کہہ سکتا ہوں کہ آپ انشاء اللہ جلد ہی کینسر کے مرض سے نجات حاصل کرسکتی ہیں، فی الحال ملاقات ممکن نہیں تاہم اگر ڈاکٹرز نے اجازت دی تو ہم ویڈیو کال پر ضرور بات کریں گے۔

شاہ رخ خان نے مزید کہا کہ میں آپ سے بہت پیار کرتا ہوں لہذا جیسے ہی آپ صحت یاب ہوجائیں گی اُس کے بعد آپ سے ضرور ملاقات کروں گا۔

ویڈیو دیکھیں


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top