The news is by your side.

Advertisement

چیلنج کرتا ہوں شہباز شریف لندن میں مقدمہ کریں، شہزاد اکبر کا ردعمل

اسلام آباد: وزیراعظم کے معاون خصوصی برائے احتساب شہزاد اکبر نے شہباز شریف کے ڈیلی میل کے خلاف مقدمے کے اعلان پر ردعمل دیتے ہوئے کہا ہے کہ چیلنج کرتا ہوں شہباز شریف آپ لندن میں مقدمہ کریں۔

تفصیلات کے مطابق وزیراعظم کے معاون خصوصی برائے احتساب شہزاد اکبر نے سماجی رابطے کی ویب سائٹ پر ٹویٹر پر لکھا کہ چیلنج کرتا ہوں شہاز شریف آپ لندن میں مقدمہ کریں، میں خود ایک ٹی ٹی لے کر لندن جاؤں گا۔

شہزاد اکبر نے کہا کہ عدالت کو بتاؤں گا کہ کیسے مزدوروں کے نام پر رقم ٹی ٹی سے بھیجی گئی، شہباز شریف کے بیٹوں اور داماد نے ٹی ٹی کے ذریعے منی لانڈرنگ کی۔

انہوں نے کہا کہ لندن کی عدالت میں دکھاؤں گا کہ ٹی ٹی سے آپ کو فائدہ ہوا۔

واضح رہے کہ اس سے قبل شہباز شریف نے اپنے ٹویٹ میں کہا تھا کہ برطانوی اخبار ڈیلی میل کے خلاف قانونی چارہ جوئی کا فیصلہ کیا ہے، گمران کن خبر عمران خان اور شہزاد اکبر کے ایما پر چھاپی گئی ہم ان دونوں کے خلاف بھی قانونی چورہ جوئی کریں گے۔

یاد رہے کہ برطانوی اخبار ڈیل میل نے ایک رپورٹ شائع کی ہے جس میں دعویٰ کیا گیا ہے کہ سابق وزیراعلیٰ پنجاب شہباز شریف کے خاندان نے زلزلہ متاثرین کو ملنے والی برطانوی امداد میں خوردبرد کی۔

رپورٹ میں کہا گیا ہے کہ امداد میں سے چوری کیے گئے لاکھوں پاؤنڈز پہلے برمنگھم منتقل کیے گئے، پھرپیسے مبینہ طور پر شہباز شریف کے برطانوی بینک اکاؤنٹس میں منتقل ہوئے۔

رپورٹ میں بتایا گیا ہے کہ 2018 میں شریف خاندان کے اثاثے 20 کروڑ پاؤنڈ تک پہنچ گئے، مبینہ منی لانڈرنگ کا پیسہ شہبازشریف کی اہلیہ، بچوں اورداماد کو منتقل ہوا۔

Comments

یہ بھی پڑھیں