تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

‘برطانیہ ایگزیکٹو آرڈر سے نواز شریف کو ڈی پورٹ کر سکتا ہے’

اسلام آباد : مشیر برائے احتساب و داخلہ شہزاد اکبر کا کہنا ہے کہ برطانیہ نے ہمیں نواز شریف کی حوالگی کی درخواست دینے کا کہا ، برطانیہ ایگزیکٹو آرڈر سے نواز شریف کو ڈی پورٹ کر سکتا ہے۔

تفصیلات کے مطابق مشیر برائے احتساب و داخلہ شہزاد اکبر اوردیگر نے صحافیوں سے گفتگو کی ، اس دوران شہزاد اکبر نے کہا برطانیہ کا قانون ہے سزا یافتہ شخص کووزٹ ویزہ نہیں دیاجاسکتا ، برطانیہ کو بتایا ہے نواز شریف سزا یافتہ ہے اور کوئی علاج نہیں کرا رہے ، اطلاعات کے مطابق نواز شریف نے وہاں ایک ٹیکا بھی نہیں لگوایا۔

مشیر برائے احتساب و داخلہ کا کہنا تھا کہ برطانیہ سے کہا ہے معاملہ خود دیکھ کر قانون کے مطابق فیصلہ کریں ، برطانیہ ایگزیکٹو آرڈر سے نواز شریف کو ڈی پورٹ کر سکتا ہے ، برطانیہ نے ہمیں نواز شریف کی حوالگی کی درخواست دینے کا کہا۔

انھوں نے بتایا کہ برطانیہ سے کہا دیکھیں آپ کاقانون وزٹ پرقیام کی اجازت دیتا ہے یا نہیں، حوالگی کی درخواست طویل عمل ہے اسے بعد میں دیکھیں گے۔

دوسری جانب وفاقی وزیر اطلاعات فواد چوہدری نے کہا نواز شریف ،آصف زرداری سےکیسزکےالتوا کا طریقہ سیکھ رہے ہیں، زرداری کی طرح مریم نواز بھی التوا کے راستے پرچل نکلی ہیں۔

Comments

- Advertisement -