دبئی : ولی عہد اور محمد بن راشد اسپیس سنٹر کے چیئرمین ، شیخ ہمدان بن محمد بن راشد المکتوم کا کہنا ہے اماراتی خلا باز متحدہ عرب امارات کے لیے باعثِ افتخار ہیں۔
تفصیلات کے مطابق اماراتی خلاباز وں کو سراہنے کے لیے جاری کردہ پیغام میں انہوں نے کہا کہ اماراتی خلا باز جو کہ خلا میں جانے کے لیے ہیں، ان کا یہ سفر ملک کے لیے ترقی کی نئی نوید ہے۔
انہوں نے محمد بن راشد اسپیس سنٹر کی کاوشوں کو بھی سراہا جن کے جذبے نے اماراتی اسپیس پروگرام اور قومی اسپیس پالیس کو نافذ کرنے میں مدد دی، انہی کی کاوشوں سے یو اے ای خلا تک رسائی میں کامیاب ہوا ہے۔
انہوں نے اپنی نیک خواہشات کا اظہا کرتے ہوئے کہا کہ اماراتی شہری ثابت کررہے ہیں کہ وہ دنیا کے کئی میدانوں میں قدم جمانے اور قیادت کرنے کے اہل ہیں۔
.@HamdanMohammed expresses pride in the #UAE’s two astronautshttps://t.co/ebgk8liWSW#Dubai pic.twitter.com/aRtj80WOQT
— Dubai Media Office (@DXBMediaOffice) October 8, 2018
یاد رہے کہ اماراتی خلا د نور ہذا المنصوری اور سلطان ال نیادی کو انتخاب امارات کے وزیر اعظم شیخ محمد بن راشد المکتوم نے کیا ہے اور ان کی تربیت نا سا اور یورپین اسپیس ایجنسی کے زیراہتمام کی گئی ہے کہ وہ بین الاقوامی خلائی اسٹیشن میں جاکر خدمات انجام دے سکیں ۔
اپنے ٹویٹر پیغام میں شیخ ہمدان نے خلا نوردوں کو مخاطب کرکے کہا کہ ’ہمیں آپ پر اور ر محمد بن راشد اسپیس سنٹر کی کاوشوں پر فخر ہے۔ آپ کے سبب یو اے ای خلا میں تاریخ رقم کرے گا‘۔
