The news is by your side.

Advertisement

نوازشریف دھماکوں کیخلاف تھے، عمران خان چینی چوروں کو نہیں چھوڑینگے، شیخ رشید

لاہور : وزیر ریلوے شیخ رشید احمد نے کہا ہے کہ قوم کو بتانا چاہتا ہوں کہ نوازشریف سمیت ساری کابینہ ایٹمی دھماکے کیخلاف تھی، راجہ ظفرالحق، گوہر ایوب اور میں نے ایٹمی دھماکے کی حمایت کی۔

ان خیالات کا اظہار انہوں نے لاہور میں پریس کانفرنس سے خطاب کرتے ہوئے کیا، انہوں نے کہا کہ وفاقی وزیر نے کہا کہ نوازشریف سمیت ساری کابینہ ایٹمی دھماکے کیخلاف تھی،راجہ ظفرالحق، گوہرایوب اورمیں نے ایٹمی دھماکے کی حمایت کی۔

ان کا کہنا تھا کہ ایٹمی دھماکوں کے وقت میری ڈیوٹی ایسی تھی کہ مجھے ملک سے  باہر جانا پڑا ، ملک کو زرداریوں، گیلانیوں اور شریفوں نے لوٹا ہے، پاکستان کاخون چوسنے والوں کومعاف نہیں کریں گے۔

ایک سوال کے جواب میں انہوں نے کہا کہ شہباز اور حمزہ کا کیس سنجیدہ نوعیت کا ہے، جی کا جانا ٹھہرگیا ہے، میں عمران خان کا ساتھی ہوں،تحریک انصاف سے کوئی تعلق نہیں، آج بھی یقین رکھتاہوں کہ کرپٹ عناصر کو معاف نہیں کیاجائے گا، اگلے 90دن ملکی سیاست کے لیے بہت اہم ہیں، وزیراعظم عمران خان چینی اور آٹا چوروں کو نہیں چھوڑیں گے۔

وفاقی وزیر نے کہا کہ10دن میں ایس اوپیز کےمطابق مسافر بٹھانے پر5کروڑ کا نقصان ہوا، امتحان کی اس مشکل گھڑی میں ریلوے کا ساتھ دینے پر صحافی برادری کاشکر گزار ہوں، چاروں صوبوں کا بھی مشکور ہوں جنہوں نے ریلوے سے تعاون کیا۔

،انہوں نے کہا کہ مزید5ٹرینیں چلانے کا فیصلہ کیا گیا ہے،سرسید، کراچی، شالیمار، بہاؤالدین ذکریا ایکسپریس کو شروع کیا جارہا ہے، وزیراعلیٰ سے درخواست کی ہے لاہور کو3 کے بجائے دو روز بند کیا جائے۔

انہوں نے کہا کہ کورونا وائرس ملک میں زور پکڑرہا ہے، ٹڈی دل کے وار بھی جاری ہیں، ہم نے کورونا کےساتھ چلناہے،90دن ملک کیلئے بہت اہم ہیں، کورونا کیسز میں اضافہ ہوگا، ہم ایس او پیز پر مکمل عمل درآمد کریں گے، وزیراعلیٰ سے درخواست کی ہے کہ بہاولپور ریلوے اسٹیشن کا افتتاح کریں۔

 

Comments

یہ بھی پڑھیں