The news is by your side.

Advertisement

یکم نومبرکوسپریم کورٹ میں اپنا کیس خود لڑوں گا، شیخ رشید

راولپنڈی : عوامی مسلم لیگ کے سربراہ شیخ رشید نے کہا ہے کہ یکم نومبر کو وہ سپریم کورٹ میں خود کیس لڑیں گے غلط گوشوارے جمع کرانے پر نو ایم این ایز نااہل ہوسکتے ہیں تو نواز شریف بھی نااہل ہوں گے، میں نے قوم سے یہ وعدہ کیا تھا کہ آج زندہ رہا تو جلسہ گاہ میں ضرور پہنچوں گا اوراللہ کا شکر ہے کہ راولپنڈی کے لوگوں نے میرا ساتھ دیا اور میں اپنے دیئے ہوئے وقت پر پہنچا۔

ان خیالات کا اظہار انہوں نے ایک نامعلوم مقام سے عوام کے نام ایک ویڈیو پیغام میں گفتگو کرتے ہوئے کیا۔ شیخ رشید نے کہا کہ پولیس اہلکار ہمارے جلسے کیلیے لائے گئے ساؤنڈ سسٹم اور دیگر سامان لے گئے تھے۔

اس کے علاوہ لال حویلی کے 37 ملازمین کو بھی گرفتار کرلیا گیا، اس کے باوجود میں لوگوں سے کہتا ہو کہ ہم نے ظالموں کیخلاف اعلان جنگ کیا ہے۔

یکم نومبر کو میں خود سپریم کورٹ میں اپنا کیس لڑوں گا، انہوں نے کہا کہ اگر غلط گوشوارے جمع کروا کر نو اراکین قومی اسمبلی نا اہل ہوسکتے ہیں تو پھر انشاءاللہ نواز شریف کو بھی نا اہل ہونا پڑے گا۔ اوراگر نواز شریف نااہل نہیں ہوں گے تو ان نو ایم این ایز کو بھی بحال کرنا پڑے گا۔

یہ میری استدعا سپریم کورٹ سے ہوگی۔ علاوہ ازیں عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا ہے کہ میں طاہر القادری سے مسلسل رابطے میں ہوں لیکن میرے خیال میں ڈاکٹر طاہر القادری خود دھرنے میں شریک نہیں ہوں گے تاہم مجھے ابھی حتمی طور پر اس حوالے سے کچھ معلوم نہیں ہے ۔ان کا کہنا تھا کہ دھرنا کم از کم سات روز کا ہو سکتا ہے، انہوں نے کہا کہ حکومت دل بڑا کرے اپنے اندر گنجائش پیدا کرے۔

Comments

comments

یہ بھی پڑھیں