سابق وزیر داخلہ شیخ رشید نے انکشاف کیا ہے کہ یہ (شہباز حکومت) بھارت اور اسرائیل کے ساتھ اپنے معاملات بہتر بنانے جارہے ہیں۔
تفصیلات کے مطابق اے آر وائی نیوز سے خصوصی گفتگو میں شیخ رشید نے کہا کہ یہ اپنے نیب کے کیسز ختم کرنے آئے ہیں، ان کو چور دروازے سےلایا گیا، ابھی بھی کہہ رہا ہوں کہ نیب،ایف آئی اے میں معاملات ٹھیک کریں تو ان کا محاسبہ ہوسکتا ہے۔
شیخ رشید نے کہا کہ اپنے کیسز ختم کرلیں مگر معاملات سنبھلیں گے نہیں، عوام باہر نکلیں گے اور اپنا حق لیں گے۔
اے آر وائی نیوز سے گفتگو میں سابق وزیر داخلہ نے انکشاف کیا کہ یہ بھارت اور اسرائیل کے ساتھ اپنے معاملات بہتر بنانے جارہےہیں، ایسی حرکت سے معاملات سنبھلنے کے بجائے مزید بگڑیں گے۔
واضح رہے کہ آج شہباز حکومت 9500 ارب روپے کا بجٹ پیش کرنے جارہی ہے، بجٹ میں بالواسطہ ٹیکس، انکم ٹیکس کا سلیبس میں کمی سمیت کئی ٹیکسز کا نفاذ کرنے جارہی ہے۔
