اتوار, فروری 9, 2025
اشتہار

"بھتیجی نہیں چاہتی کہ چچا کا کوئی راستہ نکلے”

اشتہار

حیرت انگیز

اسلام آباد : وزیر داخلہ شیخ رشید نے کہا ہے کہ بھتیجی نہیں چاہتی کہ چچا کا کوئی راستہ نکلے، یہ لوگ کمپنی کی مشہوری کیلئے قومی اداروں کو نشانہ بناتے ہیں۔

اسلام آباد میں پریس کانفرنس سے خطاب میں ان کا کہنا تھا کہ نواز شریف کی سیاست کو مرتے دیکھ رہا ہوں، سیاسی گند کی زیادہ چھینٹیں ان ہی پر پڑیں گی۔

شیخ رشید نے ن لیگ پر لفظی گولہ باری کرتے ہوئے کہا کہ اقتدار کے بھوکوں کو کچھ نہیں ملےگا۔ یہ پچھتائیں گے۔ اداروں پر جتنی چاہے مرضی تنقید کر لیں، یہی ادارے اس ملک کے ضامن ہیں۔

ان کلا مزید کہنا تھا کہ ”ن” سے ”ش” ہی نکلے گی ان کا کچھ نہیں بنے گا، نواز شریف کی سیاست اب ختم ہو چکی ہے، یہ اب صرف سیاسی گند ہیں۔

وزیر داخلہ نے کہا کہ پاکستان میں بہت سی اہم شخصیات آنے والی ہیں، ثابت ہوچکا ہے کہ پاکستان امن کا داعی ملک ہے، ہماری جانب سے افغانستان کی اخلاقی مدد جاری ہے۔ طالبان کو دنیا مختلف شکل میں دیکھ رہی تھی، اب وہ الگ شکل میں سامنے آئے ہیں۔

انہوں نے کہا کہ افغانستان کو تسلیم کرنے کا فیصلہ وزیراعظم دنیا کے ساتھ مل کر کریں گے، مزاحمت کے نہیں، مفاہمت کے داعی ہیں، پاکستان کی سلامتی سب سے پہلے عزیز ہے۔ قدرتی طور پر خطے میں بہت بڑی تبدیلی آئی ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں