The news is by your side.

Advertisement

‘امپورٹڈ حکومت نے فرار کی تیاریاں شروع کردیں’

سابق وفاقی وزیر داخلہ شیخ رشید احمد نے کہا ہے کہ ای سی ایل سے 150 ملزمان کے نام نکال دیئے گئے ہیں اور امپورٹڈ حکومت نے فرار کی تیاریاں شروع کردی ہیں۔

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے اپنے بیان میں کہا ہے کہ ای سی ایل سے 150 ملزمان کے نام نکال دیئے گئے ہیں اور امپورٹڈ حکومت نے فرار کی تیاریاں شروع کردی ہیں۔

شیخ رشید نے اپنے بیان میں کہا کہ سرکاری خزانے کا بےدریغ استعمال دوبارہ شروع ہوچکا ہے، ان سے حکومت سنبھالی نہیں جارہی ہے اور یہ این آر او ٹو لینے آئے ہیں۔

سینیئر سیاستدان نے مزید کہا کہ اس امپورٹڈ حکومت کی کوئی قانونی حیثیت نہیں، یہ حکومت بیرونی سازش سے اور چور دروازے سے بنی، جلد امپورٹڈ حکومت سے جان چھوٹے گی۔

واضح رہے کہ شیخ رشید احمد نے پی ٹی آئی کراچی جلسے میں دعویٰ کیا تھا کہ عمران خان 30 مئی سب قبل موجودہ حکومت کا خاتمہ کردے گا۔

جلسے سے خطاب کرتے ہوئے شیخ رشید نے کہا کہ یہ کیسا نظام ہے؟ جہاں باپ بیٹےپر فردجرم عائدکی جارہی تھی اسی روز اسے وزیراعظم بنا دیا گیا ہے۔

مزید پڑھیں: شیخ رشید نے حکومت کے خاتمے کی تاریخ بتادی

شیخ رشید نے مزید کہا تھا کہ جو قومیں عمران جیسا لیڈرپیدا کرتی ہیں، عالمی طاقتیں اس سے صدام اور کرنل قذافی جیسا سلو ک کیا جاتا ہے۔

Comments

یہ بھی پڑھیں