سابق وزیر داخلہ شیخ رشید احمد نے کہا ہے کہ عمران خان 15جون کو اسلام آباد کی کال دے گا اس سے قبل ہی اسکی جان کوخطرہ ہےجیل میں بھی ڈال سکتےہیں۔
سابق وزیر داخلہ شیخ رشید احمد نے اسلام آباد میں پریس کانفرنس کرتے ہوئے کہا کہ برصغیرمیں ہم وہاں ہیں جہاں عمران خان کی پالیسیاں سپر پاور کو سوٹ نہیں کرتیں، عمران خان گردن اٹھاکرآنکھ میں آنکھ ڈال کر بات کرتا تھا، عالمی طاقتیں عمران خان کی جان لے سکتی ہیں۔
شیخ رشید نے کہا کہ جب کہ یہ وہی لوگ ہیں جو لندن سےاداروں کو گالیاں دیتے تھے اب بوٹ پالش کر رہے ہیں، وہ دعوے کررہے ہیں کہ ہمارے ووٹوں سے حکومت بنی ہے، لوگ انکی شکل نہیں دیکھنا چاہتے، وہ انکے فیصلوں کیساتھ کیسے کھڑے ہونگے، قوم عمران خان کیساتھ کھڑی ہے، اوورسیزپاکستانیوں نےری ایکشن ظاہرکیالوگ پاسپورٹ پھاڑرہےہیں، پشاورکےلوگوں نےجس طرح عمران خان کاساتھ دیامشکورہوں، انشااللہ کراچی کےجلسےمیں بھی شریک ہوں گا۔
سابق وفاقی وزیر نے مزید کہا کہ پی ٹی آئی کا حصہ نہیں لیکن عمران خان کی ذات کیساتھ ہوں، وہ امپورٹڈ حکومت کیساتھ نہیں بیٹھنا چاہتا میں بھی نہیں چاہتا،عمران خان کو اپنا استعفیٰ لکھ کر دے چکا ہوں، جس دن بھی استعفے قبول ہوئے تو سب سے پہلےمیرا استعفیٰ قبول ہوگا۔
انہوں نے کہا کہ یہ کہتے تھے سلیکٹڈ حکومت ہے الیکشن کراؤ، ہم کہہ رہےہیں یہ امپورٹڈ حکومت ہے الیکشن کراؤ، لوگ الیکشن دیکھ رہےہیں جبکہ ان کی کوشش ہے کہ حکومت لمبی چلے، ہونا وہی ہے جو اللہ کو منظور ہے، جو ہمارے اسلامی دوستوں نے فیصلےکرنے ہیں وہی ہوگا اور نواز شریف اب سعودی عرب سے نئے پاسورڈ کیساتھ آئے گا۔
انہوں نے کہا کہ میرے دور میں کوئی مسنگ پرسن نہیں تھا، میرے دورمیں کسی کو نہیں اٹھایا گیا نہ کوئی واقعہ ہوا، جن کے مسنگ پرسن ہیں وہ ان کے ساتھ ہی بیٹھےہیں۔
شیخ رشید نے نئی حکومت اور اتحادیوں سے اس کے روابط کے حوالے سے کہا کہ جس دن ان پر فرد جرم عائد ہونی تھی اسی دن حلف اٹھایا ہے،اب اس ملک میں یقیناً ڈالروں کی بارش ہوگی، راتوں رات اتوار کو میرے دفترسےفائلیں اٹھائیں، اللہ کرے ایم کیو ایم کا کوئی کام بن جائے، جومنحرف ہوئے ہیں وہ کس منہ سےملک میں سیاست کرینگے۔
