حکومت لاہور میں‌ فائنل کرانے سے قبل 101 بار سوچ لے، شیخ رشید shaikh rasheed
The news is by your side.

Advertisement

حکومت لاہور میں‌ فائنل کرانے سے قبل 101 بار سوچ لے، شیخ رشید

راولپنڈی: عوامی مسلم لیگ کے سربراہ شیخ رشید نے کہا ہے کہ پی ایس ایل کا فائنل لاہور میں کرانے کا فیصلہ خوش آئند ہے تاہم میچ کرانے سے قبل 101 بار سوچ لیں، اگر کسی کونے یا چوراہے پر بھی کوئی واقعہ ہوگیا تو اس کا ردم عمل بہت برا آئے گا۔

اے آر وائی نیوز سے بات کرتے ہوئے انہوں نے کہا کہ فیصلہ بہت اچھا ہے، لوگوں کو خوشی ہوگی تاہم جو بھی پنجاب حکومت اور فوج کی سیکیورٹی ذمہ داری ہے اس کے تحت اگر لاہور کے کسی کونے یا کسی چوراہے پر بھی کوئی چھوٹا سا واقعہ ہوا تو بہت برا ہوگا اس کا بہت براد رد عمل سامنے آئے گا۔


Sheikh Rasheed says he will go and watch PSL… by arynews
انہوں نے کہا کہ ہم نے پندرہ دن سے کرکٹ میچ فائنل کا ہونا یا نہ ہونا مسئلہ بنایا ہوا ہے، میچ ہوا تو اچھا ہوگا لیکن اگر نہیں ہوتا تو کوئی قیامت نہیں آجاتی تاہم لاہور میں میچ ہونا اچھا ہے، ہماری قوم کا اوڑھنا بچھونا کرکٹ ہے فیصلے خوش آئند ہے۔


یہ پڑھیں: دہشت گردی کے خدشات مسترد، پی ایس ایل کا فائنل لاہور میں کرانے کی منظوری


شیخ رشید کا کہنا تھا کہ فائنل یہاں کرانے سے قبل ایک سو ایک بار سوچ لیں یہ جو سیکیورٹی ہے صرف اسٹیڈیم کی نہیں بلکہ چوک اور چوراہوں کی بھی ہونی چاہیے، فیصلے کا کریڈیٹ پنجاب کو جائے گا کہ انہوں نے ایہ اہم فیصلہ کیا لیکن خدانخواستہ کوئی چھوٹا سا بھی واقعہ ہوگیا تو ڈھیر سارے مسئلے پیدا ہوجائیں گے جو پنجاب کے لیے درد سر بن جائیں گے۔

ایک سوال پر عوامی مسلم لیگ کے سربراہ شیخ رشید کا کہنا تھا کہ میں فائنل میچ دیکھنے ضرور جاؤں گا۔

Comments

comments

یہ بھی پڑھیں