The news is by your side.

Advertisement

ایل این جی اسکینڈل: شیخ رشید آج صبح نیب راولپنڈی میں پیش ہوں گے

راولپنڈی: سابق وزیر اعظم شاہد خاقان عباسی کے حوالے سے ایل این جی اسکینڈل کیس میں وزیر ریلوے شیخ رشید احمد آج صبح نیب آفس میں پیش ہوں گے۔

تفصیلات کے مطابق قطر کے ساتھ ایل این جی درآمد کے معاہدے پر مشتمل ایل این جی اسکینڈل میں ریلوے وزیر شیخ رشید آج صبح نیب آفس میں پیش ہو رہے ہیں۔

شیخ رشید کو قومی احتساب بیورو نے بطور شکایت کنندہ طلب کر رکھا ہے، وزیر ریلوے نے ایل این جی معاہدے کی تحقیقات کی درخواست دی تھی۔

یاد رہے کہ نیب نے ایل این جی اسکینڈل میں سابق وزیر اعظم شاہد خاقان عباسی کو دوبارہ 7 مارچ کو طلب کیا تھا لیکن انھوں نے قومی احتساب بیورو کے احکامات ہوا میں اڑا دیے، اور طلبی کے باجود نیب کے سامنے پیش نہ ہوئے۔

شاہد خاقان عباسی کو طلبی کے ساتھ نیب سوالات کے جوابات بھی ساتھ لانے کی ہدایت کی گئی تھی، تاہم ان کی نیب کو لکھے گئے خط میں کہا گیا کہ وہ ملک سے باہر ہیں، پیش نہیں ہوسکتے، 17 مارچ کے بعد کی تاریخ دے دیں۔

یہ بھی پڑھیں:  نیب طلبی کے باوجود غیرحاضری،شاہد خاقان عباسی نے احکامات ہوا میں اڑا دیے

یاد رہے اکتوبر 2018 میں قومی احتساب بیورو (نیب) نے ایل این جی اسکینڈل کیس دوبارہ کھولنے اور سابق وزیر اعظم شاہد خاقان عباسی کو طلب کرنے کا فیصلہ کیا تھا۔

خیال رہے کہ شیخ رشید احمد ماضی میں دعویٰ کر چکے ہیں کہ وہ ایل این جی معاہدے میں شاہد خاقان عباسی کو اندر کرائیں گے، ان کا دعویٰ تھا کہ وہ ثابت کریں گے کہ شاہد خاقان ایل این جی میں پارٹنر ہیں، ثابت نہ کر سکے تو سیاست سے دست بردار ہو جائیں گے۔

Comments

comments

یہ بھی پڑھیں