شرجیل میمن کے اثاثوں کی تفصیلات سامنے آگئیں
The news is by your side.

Advertisement

شرجیل میمن کے اثاثوں کی تفصیلات سامنے آگئیں

حیدرآباد: پیپلزپارٹی کے رہنما اور سابق صوبائی وزیر اطلاعات و نشریات شرجیل انعام میمن کے اثاثوں کی تفصیلات سامنے آگئیں۔

تفصیلات کے مطابق پیپلزپارٹی کے رہنماء شرجیل انعام میمن پی پی کے ٹکٹ پر پی ایس 63 سے امیدوار ہیں انہوں نے الیکشن کمیشن میں اپنے اثاثوں سے متعلق حلف نامہ جمع کرایا۔

حلف نامے کے مطابق شرجیل میمن دبئی میں 5 کروڑ کے فلیٹ کے مالک ہیں جبکہ اُن کی اہلیہ کے نام پر 9 کروڑ 89 لاکھ کا فلیٹ ہے، پی پی رہنما کے پاس 3 کروڑ 95 لاکھ اور 70 ہزار روپے کی مالیت کی 3 گاڑیاں ہیں۔

مزید پڑھیں: عمران خان بھی کروڑوں روپے کے اثاثوں کے مالک نکلے

سامنے آنے والے حلف نامے کے مطابق شرجیل میمن نے الیکشن کمیشن میں 8 کروڑ 7 لاکھ اور 91 ہزار کی نقدی و پرائز بانڈ ظاہر کیے جبکہ اُن کی اہلیہ کے اکاؤنٹ میں 2 کروڑ 29 لاکھ اور 79 ہزار روپے موجود ہیں۔

شرجیل میمن نے حلف نامے میں فرنیچراوردیگراشیاکی مالیت 25 لاکھ روپے ظاہر کی جبکہ انہوں نے یہ بھی آگاہ کیا کہ انٹرنیشنل گلف گروپ میں اہلیہ 30لاکھ روپے کی شراکت دار ہیں علاوہ ازیں پی پی رہنما کراچی میں 44 لاکھ روپے کے بنگلے کے مالک ہیں۔

اسے بھی پڑھیں: نگراں وزیر اعظم 14 اثاثوں کے مالک نکلے، لندن اور سنگاپور میں جائیداد اہلیہ کے نام

پی پی رہنما نے کراچی میں 97 لاکھ روپے کی جائیداد ظاہر کی جبکہ انہوں نے یہ بھی بتایا کہ تھرپارکر میں وہ ایک کروڑ 50 لاکھ اور 80 ہزار کی جائیداد کے مالک ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں