The news is by your side.

Advertisement

قدرتی آفات سے نمٹنے کے لیے این ڈی ایم اے کا فنڈ خوش آئند ہے: شمشاد اختر

اسلام آباد: نگراں وفاقی وزیر خزانہ شمشاد اختر کا کہنا ہے کہ قدرتی آفات سے نمٹنے کے لیے فنڈ وقت کی ضرورت ہیں، اس مقصد کے لیے این ڈی ایم اے کا فنڈ خوش آئند ہے۔

تفصیلات کے مطابق نگراں وزیر خزانہ ڈاکٹر شمشاد اختر نے نیشنل ڈیزاسٹر مینجمنٹ اتھارٹی (این ڈی ایم اے) کی تقریب سے خطاب کیا۔

اپنے خطاب میں ان کا کہنا تھا کہ قدرتی آفات سے نمٹنے کے لیے فنڈ وقت کی ضرورت ہے۔ سنہ 2005 کا زلزلہ ہمیں یاد دلاتا ہے کہ قدرتی آفات خطرناک ہوتے ہیں۔

شمشاد اختر کا کہنا تھا کہ ماحولیاتی تبدیلی سے قدرتی آفات کی تعداد میں اضافہ ہو سکتا ہے۔ گلیشیئر پگھلنے سے سمندر کی سطح میں اضافہ ہو رہا ہے۔

نگراں وزیر خزانہ نے مزید کہا کہ ماحولیاتی تبدیلی سے قحط اور زمین کے کٹاؤ میں اضافہ ہوا۔ قدرتی آفات سے نمٹنے کے لیے این ڈی ایم اے کے فنڈ کا قیام خوش آئند ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں