The news is by your side.

Advertisement

شانِ رمضان میں جنید جمشید کا وعدہ پورا کردیا گیا

پاکستان کی مقبول ترین رمضان نشریات ’شان رمضان‘ میں شہید جنید جمشید کا وعدہ پورا کرتے ہوئے معروف اداکار جاوید کوڈو کو کار کا تحفہ دیا گیا۔

پاکستانی فلموں میں معاون کردار ادا کرنے والے جاوید کوڈو گزشتہ برس بھی شان رمضان میں آئے تھے اور انہوں نے جنید جمشید سے کار کی خواہش کا اظہار کیا تھا۔

مرحوم جنید جمشید نے انہیں شان رمضان کی جانب سے کار دینے کا وعدہ کیا تھا۔

مزید پڑھیں: جنید جمشید کے آخری یادگار لمحات

گزشتہ روز سنیئر اینکر اقرار الحسن نے جنید جمشید کا وعدہ نبھاتے ہوئے جاوید کوڈو کو کار کی چابی پیش کی۔

ان کا کہنا تھا کہ یہ کار اسپانسرڈ نہیں بلکہ اے آر وائی ڈیجیٹل کی ٹیم نے ذاتی طور پر اس کار کے لیے معاونت کی ہے اور یہ کار ان کے لیے اے آر وائی نیٹ ورک کی جانب سے تحفہ ہے۔

جاوید کوڈو نے اس پر خلوص تحفے پر اے آر وائی نیٹ ورک کا بے حد شکریہ ادا کیا۔ جاوید کوڈو آج کل بیمار ہیں اور معاشی پریشانیوں کا شکار ہیں۔

یاد رہے کہ ہر برس شان رمضان کا حصہ رہنے والے معروف مذہبی اسکالر جنید جمشید گزشتہ برس دسمبر میں طیارہ حادثے میں شہید ہوگئے تھے۔

وہ تبلیغی دورے پر چترال گئے تھے جہاں سے واپسی پر حویلیاں کے نزدیکی طیارہ گر کر تباہ ہوگیا اور جنید جمشید اپنی اہلیہ سمیت شہادت کا رتبہ پاگئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں